全職股神
每一年當股市稍為暢旺，不難我地成日會聽到坊間又會出現一批少年股神，又或者係討論區提出辭去工作，以全職炒股為生的目標的人。
講真，聽呢D故事背后，首先為免又有一堆鍵盤戰士出擊，我都唔排除有人真係股神，有人真係可以做到所講的野，但實際上有幾多人做到，又有幾到人輸到一褲都係呢，如果要比例黎計，我相信一定輸到HIHI的人係多數。
人生行到呢個年紀，身邊總有好多不知天高地厚的人曾經認為自已可以戰勝一切，特別係係股票市場，以為三幾十萬就可以嬴錢，又或者賺個生活費，我曾經都係其中一員。不過可惜，股市變化萬千，你一兩個月Win大錢，無問題，但一個小股災，就可以攞你狗命，呢D野我同我身邊識的人都聽過唔少故事。
所以，如果有人話比你聽可以全職炒股生活的話，我大部份時間都係得啖笑，而且你越后生我就越唔建議，始終好好地有個職場的規劃比你你唔行，但如果比你炒番兩三四年后得個桔，之后想搵番份工真係又晒時間，又要吹水呃人話你去左外國果D咪得啖笑，不過咁都好彩只係由頭黎過。之但係我聽的故事入面，亦不難聽到有人輸幾十萬要孭住條數做人，試諗下有邊份工打工會打到有negative數呢？搵食姐，咁搞就真係無謂。
而近日又更加見到有個湊仔公，呢家係大陸有數個物業，月入三萬幾，然后再加上股票期權，已經在享差唔多（半）退休生活，仲上埋電視好似生活無憂無慮咁，真係好似好正，不過細心睇呢位仁兄的經歷，我實在唔係好計到條數出黎。
http://the-sun.on.cc/cnt/finance/20130218/00434_052.html
當然，條數佢亦無完全公開，我亦無乜興趣再去dig deep on佢的background，如果我估錯講錯亦請見諒，之不過如果佢只係係銀行做左3年，靠3年的收入買到一層麗港城的話，講真就當你iBank都係講緊頭兩三年的收入，平均都係2球一年左右，三年咪六球野，減埋稅啊呢样果样，個本得果4-5球左右，都未計你食計你洗啦。如果唔係ibank做三年野有幾錢，大家都心照啦，而睇埋佢話呢家攞住30萬黎玩，唔係100-300萬，咁即係你本身都應該唔係做果三年野搵到D咩錢啦，之后無收入的話，我只可以諗你應該得番兩個收入 -- 1.物業 2.老婆。
好啦，樓的話，你買一層，之后當你一開二至三，無收入靠老婆，借亦唔借得好多，自住樓要加按又即係未供得晒應該，錢我相信有得win，如果唔係都唔會敢退休，但係你話win好多咩，我相信5球野應該差唔多，然后轉番大陸買物業月入30K，呢下我就唔係幾識計啦，始終大陸物業租金回報普遍低，而大陸息口又普遍高，當你香港做按食埋呢舊又賺多二三百萬，但點都應該仲有幾條大陸按揭係身，加埋香港自住樓的按，理論上表面月入三萬，實際還債亦唔少野。
我唔敢講我完全岩晒，但呢條數係無外力的資助下，應該雖不中亦不遠矣，咁如果係咁的話我堅唔係好明佢點解咁勇可以玩退休，因為我相信如果以隊長的投資回報都應該比佢高或者就算差唔多的情況下，我都唔夠膽講係呢一刻退休，如果做野3年又無人幫，理論上你本錢少，比你食到盡個樓市都賺唔得多的情況下，咁都可以退休的話，呢條數我絕對計唔清，除左最后一個可能性就係佢老婆收入頂住，以老婆收入養家，以租供樓，等十幾廿年時間供甩，人生就搞掂，之但係......咁係咪即係咬老軟呢？
如果真係咁有能力的話，會唔會係連老婆都唔駛做會好D呢？除非老婆又係做老師係人生興趣咁就另計，不過我相信呢個case，如果佢地四十零歲就合理，三十中可以咁，除非屋企大把，即李檡楷話比你聽佢財務自由，你都廢L事聽啦，叫佢講比你聽商業世界的成功故事好過啦。其實如果我係佢，咪做野做多幾年，當你一年搵多一百萬（因為唔知佢係咩bank la），你做三年都搵到咁多野，比你做多五年先退休仲唔識飛天咩，捱多幾年就有一個肯定唔會錯的退休生活，咁都唔制？睇黎佢真係好醒目，又或者係我計數大錯特錯。
講真，其實佢條數點計唔係我想講的重點，但反而成篇野的目的，係想講人生係后生時捱下好正常，一來為社會出一分貢獻，二來亦趁自己最捱得最有條件的時候捱係好合理，特別係響職場上，經驗同收入都係要靠時間去浸淫，你突然間無做野五至十年，人到中年先搵番份工，低人工你又唔制，高人工人地又嫌你咩都唔識，最后人生四五十歲又玩中年危機，為乜？
計錯數的人真係好易，但如果你識計的話，二十出頭捱幾層樓番黎，四十中已經收得工，差少少五十歲都叮噹叮噹可以退休，但相反呢個時候你準備享受世界的時間，先見到呢個湊仔公發現自己計錯數，入番黎你公司由頭做起，收入都可能係要用黎還番果條唔知邊年突然大插五日而輸錯方向的期權債時，你會發現原來電視同報紙的新聞特輯，到最后都只係一個沒有財商的記者碰上一個老散的故事而己。
《佔領資產》作者岑皓軒教路：買樓收租劈炮唔撈
回覆刪除香港是一個多元化的社會，既有政治人物發起「佔中」以爭取理想中的普選，也有人宣揚應透過「佔領資產」，以能早日「劈炮唔撈」，仍可享有豐盛的生活。
年僅35 歲的「全職爸爸」岑皓軒（Matthew），實現了一眾打工仔夢寐以求的生活，他在英國的大學畢業回流香港後，僅僅在銀行當了3 年打工仔，28 歲便成功獲得財務自由，全職炒股買樓收租，Matthew 並出版《佔領資產》一書，教人如何買樓收租，「劈炮唔撈」。
現時，他已經沽出所有在港的投資物業，轉戰內地寫字樓單位，每月租金收入逾3 萬元人民幣（折合近4 萬港元）。
明報記者何建邦攝影盧翊銘
Matthew 在英國一所著名大學讀IT（資訊科技），但畢業後沒有投入IT 行業，反而選擇進入金融界，並在銀行找到一份理財策劃經理的工作，主要負責推銷股票及基金產品，以及協助客人承做按揭。
他在銀行的工作經驗中了解到，很多人往往只顧工作無暇投資，戶口閒置着數百萬元現金，財富慘被通脹蠶食；相反戶口沒有太多存款的人，由於持有多項資產，財富不斷增值。
炒股滾大資金沽清後買樓
Matthew 在打工期間，不斷把從事sales 的佣金、兼職補習等收入儲起，一邊存下每個月五成人工，一邊學習投資，兩年幾內賺到第一桶金，即約60 萬元後，便決心「劈炮唔撈」，在28歲之齡結束短暫的打工仔生涯。其後，他全職炒股票，直至2006 年準備和太太結婚時，才沽清所有股票，運用所得資金入市第一間物業，當時鎖定藍田麗港城一個當時值200 萬元兩房戶，「我由10 多歲就開始在區內居住，一直覺得該區發展成熟，因此首次置業亦選擇藍田」。
物業加按再買樓收租冚借貸
在買樓後，Matthew 變得身無分文，僅靠太太在津校教書的薪水維持家庭開支，他笑稱自己當時有一段時間是「食軟飯」，因此立志要在5年內供滿該所自住物業。他在2008 年中將已升值的物業加按，並多買一層樓（同為麗港城的兩房戶）收租冚借貸支出，
「我的概念是什麼都不用做，每個月仍然有租客交租，有cashflow（現金流）供樓，該所物業便已等如fully-paid（供滿）」。
作為長線投資者，路上當然不可能一帆風順，好像Matthew 當年購入第二層物業時，數月後便隨即遇上金融海嘯，立即摔了一跤輸近「一球」（100 萬），他笑言當時是「嚇到一額汗」。不過，他安撫自己，由於物業是連航空公司職員鐵約入市，只要繼續「以租養樓」，帳面升跌的影響不太大，才鬆一口氣。現時上述兩所物業已經於去年初易手，賺幅更是逾倍。
租客角度買樓
究竟如何才可以佔領資產， 「劈炮唔撈」？
Matthew 教路，投資者不要太從物業升值的角度出發，而他指自己只是「包租公」，不是炒家，一直都是以租客角度出發買樓，由於物業是長揸必勝，只要有能力留住租客，就不用時刻放盤收盤，不用擔心空租期。
另外，不要介意「贏得樣衰」，他直言本地投資者太「黑心」，一味希望低買高沽，沽出後便希望世界末日，好讓自己能再次入市，而他則認為很難捕捉樓市頂點和低位，因此更會着重為物業增值，以獲取更佳的租務回報。
做業主須替物業增值
出外靠朋友，買樓當然亦不例外。
Matthew 認為物業投資是一項「團隊運動」，他的團隊包括了四種人。首先是地產代理，因為可以第一時間了解物業價格、「筍盤」位置，「其實很多靚貨在出街前已經被搶走，但相熟的地產經紀卻會為你留下這些筍盤，更會為你物色好租客及買家」。
代理銀行律師做買賣太太做設計
其次是銀行批核按揭職員，以便深入了解借貸的程序及條件，他在銀行工作的3 年經驗，亦令他對自己的還款能力，以及如何用加按槓桿「整大個餅」有確切了解。
另外，一個稱職和收費較為低廉的律師亦相當重要，因為可以「買個安心」，免去不必要糾紛。Matthew 的最後一個守門員是太太，因為他的太太會協助他增值物業，將物業裝修成服務式住宅一樣，以吸引優質租客，提升租務回報，
「舉個例子，我的物業全都用上浴缸而非企缸，一來可以吸引平日會浸浴的日韓租客，更方便家庭客為小朋友洗澡，其實做業主絕對不可看輕增值物業這一環」。
看好人幣轉購成都商廈
Matthew 現時已全盤退出股票市場，全職做「包租公爸爸」，他稱，自從投資物業及結婚湊仔後，已經再無心力時間買股票。
他決定全力投放「磚頭」是因為一份研究報告，「原來有95%的上市公司主席都會選擇沽出自己公司的股票，因為他們清楚若公司的人手有變動或其他大轉變，生意便會受影響；只有5%的人會回購旗下公司的股票，那就是地產商，因此物業才是真真正正值得儲蓄的地方」。
現時Matthew 除了2010 年購入的麗港城一個三房自住物業外，在港已再無任何物業，全數資金轉投四川成都。
他以去年初沽出兩層港樓的資金、共約600 萬元人民幣在成都市中心天府廣場買入3 個總面積合共約4000 多方呎的寫字樓單位收租，現時每月租金約3.1 萬人民幣（折合近4 萬港元）。
他表示並非看淡港樓，不然自己已經沽出自住物業；而轉投內地是因為看好人民幣升值前景，以及內地的宏觀經濟，因此決定增加收人民幣的能力，
「內地物業有6 厘回報的並不難找，加上人民幣及物業升值，每次收租都多一點，回報比港樓更佳」。