中產人生之切勿做牛

前幾篇中產人生都好受歡迎，故此我繼讀寫下關與中產的問題。


係一個朋友的facebook入面，我見到有一位朋友話見到到長輩門退休生活美滿足實，令佢好羨慕，好想即刻辭職，但係細心一諗，要退休生活過得安心，前半生一定要辛勞過，相信現在努力，日後一定有好結果。


以上的感覺，我日日都有，其實成世人流流長係咪真係要為左一份自己唔撚中意的工就咁做一世呢？有無第二條路呢？當然有啦，曾經有D勁人話自己反地產霸權，所以唔用霸權的交通工具，盡少用電，媒，又唔幫襯百佳同惠康；又有一條女係新聞透視話自己只工作但唔係為錢，係為生活而工作，選擇最基本的生活，可能佢會住得偏遠D，自己種下野，自給自足，過住童話式的生活，與世無爭。


但係，如果你選擇行呢Ｄ路的話，基本上你係take緊好多人的advantage，亦其實take緊你自己的一切for granted。試諗下大Ｄ的畫面，呢個現代世會，有手機有商場有地鉄有飛機有冷氣有屋有床乜鳩都有，點解？係因為我地人類係會向前發展，向前發展的背後就係資本主義下，只要你搵到錢就可按你的能力去過你自己生活的模式。簡單Ｄ講，呢Ｄ人都有立稅，對於你9年的免費教育，你出街有差佬照住，你病左有基本的醫療，你行出街有紅綠燈，呢Ｄ全部唔係變出黎，而係因為有前人去工作，納左稅，政府先起出黎。但如果當人人都選擇唔向上流的時候，其實呢一切比左你幾十年的野你係無人會去支付，之後就會即係成個社會崩潰，你連睇醫生都唔會有，因為無人去做藥，無人去教書，無人去讀書，無人車你上堂，無人印書，無人做lunch，乜鳩都無。所以簡單D講，你以為自已好撚型的去過懶鳩唔知係咩自給自足的生活時，其實你係一件好撚自私的事。


不過，日日番工咁撚勤力又如何先？係唔係而家努力，日後又一定有好結果呢？呢件事就其實等於牛都好勤力，但牛只係識得死做，到最後都係辛苦死，所以我唔係太認為現在努力一定＝有好結果。


做人，最緊要係識用腦，認清自己的路，然後放膽前行。如果你同我講話你係公司摶摶摶到單車變摩托係一條成功的formula，呢一刻的我多多少少會想笑鳩你。唔係話你唔得，但問題係一間公司通常得一個CEO，幾個高層，你要幾時先做到果個位呢？我唔知。再者，中間幾十年，容乜易就炒鳩你？好話唔好聽，我呢個人見人地中年危機見唔少，一過左40歲，搵住幾皮野，由頭做起又唔制（亦無人會請個40歲的人做靚），你想下下做中高層咩，又唔一定咁易有人請你，高不成低不就，真係四十零歲如果一比人踼你出公司，你同我講摶左二十年都無用，賠番一個月比你通知就走得，到時回頭一看，發左二十年的京華春夢，突然驚醒自己原來一無所有，仲要唔知自己前路會係點，為咩？所以唔好以為自己後生就玩到盡，當你有一刻意識到自己乜都無但慢慢變老時，生活可以慢慢吞噬你。


所以我之前寫人生管理學的時候，認為一個人要經營兩個工作，一份係你日頭為公司做野的工作，另一份係你自己人生的另一份工作，兩者要得平衡。可能你話係咪即係叫我搞私幫野？唔係，但當然人人唔同，不過點都好要識得制造你的passive income。但係香港黎計，對我而言最簡單又最好做的passive income，就係買樓收租。呢样野唔駛諗頭，只考你有無膽量。不過太多人唔識計條數，反而買樓變成望不可及的東西，有小小感覺係遇到財神你都要一腳踼走佢，何苦呢？


點都好，數字上其實好清楚，你工作40年，努力過後退休，得到的係一份MPF。我工作40年，中間好清楚要買樓收租，隔幾年夠錢又買一間，收下租又一年收下租又一年，40年落黎，就算你97唔好彩買左樓，只要頂得住，收番16年租我相信樓價都仲係賺，而如果你唔係黑你都咁極點係97年最高峰買，而係隔幾年又買下咁，十零二十年後，你應該供下供下就有好幾間，40年落來唔理你買入價係乜柒都好，深信你一定有好幾層樓楂手。呢條formula，我就肯定你可以去享樂，但如果你唔識咁諗，到五六十先發現自己完全無行過呢條路，我會到時比個服你，因為我佩服你咁多年黎都咁積極面對人生同埋對社會作出咁多貢獻。


不過重申，人人行的路都唔一样，有人可能話我條formula係狂買的士牌，但點都好，人生辛苦時，係一定要配以一條winning formula，而我的winning formula就係買樓收租，沒什麼秘密，眼見的同路人生活都比別人好，而拒絕任何時間買樓的人，生活都在活受罪中。高下立見，係咪要同牛咁死做爛做，定係同我一样行條winning formula，條路點行，你自己揀。


請去like我的facebook: http://www.facebook.com/CaptainHK80