公屋起幾多先夠？

自從呢個blog受到Ka Ming的小小衝激，令到我今日諗左成日，點解佢的思想會咁閉塞，又反思一下定係我自己過早判斷，是佢岩而係我錯呢？因此我就係度諗好多關於福利同權利的問題，當中就緊係同屋有關啦。


首先一個問題，究竟公屋係一個福利定係權利？


權利係一個公民唔理佢係乜撚野年齡歲數有錢無錢之類的野，都應該亨有的就係權利，舉個例，香港市民有行街的權利，你可以係公共的街度行去邊都得。而福利，就係一Ｄ特定條件抵下先至會獲得的利益就只福利，例如老人家過左65歲就會有生果金，搵唔到工作的人就會可以攞綜緩等等。


所以如果你認為公屋係一種權利的話，咁香港就應該按人頭一人起一間，即香港最少要按身份證數量起700萬間。以我的認知，我相信，公屋唔係一個權利，所以我地無需起700萬間公屋。


咁如果係一個福利，我地即係一定唔需要起700萬間公屋啦，咁我又開始係個腦度計下數啦，我相信李+x果Ｄ有錢佬唔駛要有樓啦，可能身家超過億計的人唔需要呢D福利，咁即係當佢有1萬人啦，即係減至699萬間。當中可能你話其實好多人都係1 pair pair人咁住ga la，我地好粗略咁當兩個人住一間屋，咁即係344.5萬間公屋，就能滿足晒香港市民的福利啦。但問題係，當中其實都好多人搵到錢，呢Ｄ人又唔駛住公屋ga喎，當中你可能又減150萬間(300萬打工仔左右 / 2 ) ，即係194.5萬間啦，跟住又可能諗，喂你無理由10歲同8歲的小朋友又當一間ga ma，一間有d人又話喂佢無做野但佢老豆留低一千幾百萬比佢，無理由比間公屋佢ga ma……etc 條數開始越計越亂，之後其實都係計唔撚到。


不過問題係呢度，我地唔知要起幾多間公屋先肯定夠，但我地同時亦知道我地其實係無需要起無窮無盡的公屋去滿足全香港人，因為福利政策本身係針對某一族群的人，但呢一個族群佢地都應該有一個既地的size，如一百萬間公屋係足夠的，其實就無理由要再起落去，right?


而家目前香港大約有70萬個公屋單位，而大家亦知道好多公屋已經係養育左好一兩代的人，有D老人家佢地開始的時候帶住小朋友，係70-80年代搬入公屋去令到佢地有個正常的屋企，呢個係非常合理的，我亦都可以算係受惠的人仕之一。但隨住小朋友慢慢長大，有Ｄ一家六七口幾個細路都開始搵到工的時候，其實條件已經大幅改善，納稅人亦已經為呢Ｄ家庭提供左十幾二十年的補貼，令佢地唔駛係出面捱貴租，使佢地的後代可以讀書，提高自己的競爭力，公屋的歷史任務亦其實應結束。


好比一個綜緩家庭，阿爸阿媽搵唔到野做，政府支助佢地，明白。就算一養就二十年，也罷了。小朋友變了大人，也就當你頭幾年初踏出社會，但整体的家庭收入，其實亦超過左需支助的條件，如果再補貼落去就變左雙重津貼，對於其實納稅人就好唔公平了。


又即係等於一個賽跑比賽，跑第一名可以攞到10000蚊，第二名5000蚊，第三名3000蚊，之後當係你有參與過，都比500蚊你當車馬費，希望你有機會堅持自己，努力上進，有一日你會跑到頭三名。但有D人而家係偷偷雞咁，經過十幾廿年後，跑到第二名了，但仍然摶大霧去攞埋個500蚊車馬費。


其實我好明白，人總係會貪心，而攞慣左就係攞慣左，福利慢慢變成權利。基層的人，從來對人生都無乜將來，特別仲要有一部份人，先天自己又唔係叻過人，後天又唔係勤力過人，縱有前因莫羡人，好多野都係自己種落黎，亦明白自己係得咁多料就咁多料，故此佢地只能將一D福利的野，當成係權利。


假如佢地第時再唔掂，公屋始終都係佢地手，輸極都叫有Ｄ野。但假設佢地搵到下錢啦，都會諗計仔點样鑽空子Keep住d家產，甩名啊，衰仔紙啊，呢D招數大玩特玩，目的就係保留住公屋的單位。


呢種慢慢十幾二十年陪育出黎的思想，已經令洗腦式令自己覺得係權利去拥有呢一Ｄ本身係福利性的補貼，所以當政府有任何政策係傾向又派福利比佢地，或係關連的情況下，佢地都顯得好理直氣狀認為自己係應得。


社會，如果係建基於所有咁樣的思維下的人，可以講係死得。但今日的香港，仍然會有人提出制造呢一種混亂政策的人，令努力向前的人，得到的竟然可能要比無需努力的少。試想想，一個賽跑比賽，跑第一有10000獎金，跑第二有5000蚊獎金，跑第三有3000蚊獎金，但如果不入三甲的，可以得到8000蚊的安慰獎，試問一下，呢個比賽公平嗎？社會係咁的制度下，只會養懶人，大家鬥廢罷了。


公屋城，我認為應該收皮，公屋，或者更要考慮停建。目前要提出的，或許係要公屋的富戶交回佢地佔有的社會資源，使到無人再濫用社會資源，如果唔同意的，就應改變公屋為權利，讓你我他都有一個機會去排隊，大家分享大家的成果。


請去like我的facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431