人生管理學(1)

琴日寫管理人生，回響都幾多，所以決定寫多篇關於呢個Topic。


今日又同一個朋友A傾左陣，唔知係咪雖然我唔係狂講樓，但大家都知我係同年齡的人入面係相對多買樓經驗，所以都問我關於買樓的野。朋友A其實都係一個租樓的粉絲，到最近因為樓市勁升就開始諗置業。其實香港人真係有Ｄ犯賤，跌果時個個都唔買，升個時個個都升買，但都唔緊要，最大問題係面對買樓時都係一片空白，根本就連基本概念都無。


朋友A話而家樓市太高，佢話問過尚悅，如果一成按的話每個月要供大約一萬蚊，負擔就會好重。我話如果你嫌重的，其實無必要買新樓，一來你又唔係即買即住到，二來你買D平D的接近200萬，會唔會輕鬆番D?呢個時候佢又話乜唔係尚悅可能會賺多D咩？咁我話你如果要住的話，其實條數就未必咁計，再者新樓有premium，未必比到二手的升幅比你，而且你買新樓，可能一間又要交租又要供樓，個負擔咪好重囉。然後佢就話咁如果即買即住，咁佢而家個租約點算，因為租約到明年4月。我就答佢，你買樓早收樓點會係問題啊，一係你咪同你業主傾早D完租，一係你咪長成交小小，一係你咪收左樓番黎短租比人囉。然後佢又話，下咁咪比個看更知道囉，D看更好嚴ga wo……。睇到呢到，我諗知我皮性的你地都知我會因唔住講個”屌”字。　


件事越拉越遠，我都廢撚事再講落去。佢自己就話其實D樓咁貴，不如買股票賺D先，然後再買番樓。成件事我同佢講錯到不得了，買股票你實賺ga咩？買樓自住，你反正每個月都要交租，當你交8000蚊，呢8000蚊就老馮係輸左ga la。你買自住樓話要10000蚊，喂多個2000蚊你又話好大壓力，咁但係你如果識計數的話，其實10000入面，供款佔左成5000蚊咁劑，實際要支出的都係5000蚊做利息，變相你慳左3000蚊喎。買股票，我唔知你係咪每個月穏賺3000 la，但以我所見就無人長賺囉。但你係唔撚係都要租樓，呢3000你老馮賺ga wo。作為朋友，最後我只係同佢講，你要我幫你的，我會同你講你聽日就好應該按自己能力，去買一層樓，因為你租緊樓無論點計，每個月就焗輸8000，一年就96000，十年就960,000，你買樓賺蝕我唔知，唔買就焗輸。


以上的例子我諗大家身邊一定有人不停repeat又repeat，成個問題的徴結，其實係在於本身呢D人有無計劃過自己的人生。


我同我的三個mentees講，其實每個”普通人”都有兩份工，一份係你日頭番工幫人打工的工，一份係你自己人生的工。換個角度睇，如果你中意用leader/manager的角色去諗野，覺得自己好有料的，咁你就當有兩間公司要你run。好多人，都好比心機去諗點样裝備自己去管理人地間公司，就正如佢地呢家畢業，就好想搵份好工，一步步向上爬。當奈何，佢地睇唔到，其實自己果間公司係完全無被manage過。作為自己間公司，佢地只係搵左一個客仔，而呢個客仔就係日頭果間公司比錢養住自己間公司。試諗下，你自己開間公司出黎，支出就日日月月都有，但客仔永世都係得一個，呢間公司點會大呢？


從邏輯上黎睇，我唔係好明點解我地出黎打工，個重心竟然係去管理人地間公司，而唔係自己果間？呢個係咩道理？佑佢？有D人話唔係啊，我好有大計ga，我要做老闆乜乜柒柒咁？鴻圖大志係應該要有，但係萬尺高樓從地起，有幾多人可以一夜發達啊。無咁好運的，你咪一點一點咁將自己的公司生意慢慢做大佢，等到有一日自己間公司都上軌道，到時你就算個客仔無左，起碼你間公司都唔會執笠先啦。


有好多人以為自已好有料，認為自己應該值幾錢幾錢，認為自己好應該做公司高層，做個CEO / President ，實情係其實佢地真係連一個leader最基本的vision都無。係管理學上，leader同manager有好大的分別，leader係定立方向，睇到一D vision / angle係人地睇唔到的，因而定立strategy action plans去叫D managers跟住做。Managers，只係一個管理者，佢地無需要睇到咩特別的vision，只需要跟住個plan去carryout件事就OK。


係香港，好多人的料子，只限於managers，但佢地覺得自己係leaders/高層，點解？因為就係佢地未攞到個vision去睇leaders睇到的野，就等於呢家好多打工仔，叻極咪又係打工仔，對自己的人生可以完全唔理，但又唔覺得有問題。所以，問題就係好多人，只係流於以為自已已經係全世界最勁的Managers……..vision充滿盲點。


請去like我的facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431