SSD 是業主的好朋友

政府係大約兩年前推出SSD，原意係要借打擊炒家，令樓價回落，讓有需要的用家可以以更貼近基本因素的價格上車。


兩年落黎，呢家乜撚野情況大家有眼見。炒家我諗都轉撚晒去炒工廈炒Office，買得樓的唔係用家就係投資者，加埋收緊按揭上限，稍為無實力的投資者都唔係咁易再槓桿上去買樓。以前一變二，二變四，四變十六，十六變三十二，再分折上市呢Ｄ咁样的幻想基本想已經灰撚燼晒。亦即係話，政府已經幫個market趕撚走好多投資的需求，的確係令個市場健康左。


用家黎講，比你鎖兩年一般都無所謂，特別係買一手樓果D，樓花期都可能去左你一年，之後租一年出去都唔撚關佢事啦。而作為業主的我，其實都幾中意有SSD呢件事。以前黎講因為有炒家，一個炒家可能低market 5%執件荀野，轉手就mark高5%，放番係個market度薄cut，所以當件貨入左炒家手，佢又唔會收埋，只係mark高D D ，到價有錢賺就會有人走，貨源相對無咁緊張。


但自從有SSD之後，賣樓的時候其實都幾撚過癮，因為同一時間，可能你個屋苑或單幢樓基於今日的市況下，已經好撚少盤。同期的對手，可能就係果五到十個盤左右。如果你唔等錢洗的話，mark高少少去賣，其實遲D走都有著數，點解？因為SSD係會幫你清空你的對手。以目前的情況睇，貼market的盤，下下都係一個weekend差唔多就清晒，到下個星期無盤，稍為高小小水果個已經係市場唯一＂堅＂放賣得黎又最荀果個，於是有需要的買家就谷撚住買果個盤。


所以你可以預期只要你唔趕住賣，而個市的業主又對價格上升有預期，SSD會令到個貨源供應好緊張，以致價格好容易比最後果三兩個實盤扯上去。如果你要賣樓的話，每個星期你發現一D你認為低的荀盤都會唔見左，然後你個盤，唔理價錢荀唔荀，好快就會變成所有agent的朋友，因為堅賣的人，唔多，為做生意，谷住做你個盤，試諗下可能你個區過百個A準都幫你sell，到時你想創新高都易D。


因此，我好希望香港政府唔好再搞咁多野，因為你搞一搞個政策一間又唔知搞D咩出來，本未倒置已經係司空見慣。我咩都唔驚，最撚驚一間你出一招係唔小心吉爆樓市，唔係軟著陸，咁50萬人再上街就指日可待。CY，希望你，唔好再搞任何招，讓市場自己調節吧。


請去我的facebook專頁 like 下啦:


http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431