點睇樓市?

有時打開電視打開報紙，甚至打開香討，成撚日都會見到D人問點睇個樓市。


百份之95%係香討的回覆都係廢的，唔係GOGOGO就係淡淡記住要交租，無乜野質素可以睇下。咁耐以黎，我只係記得幾日前有個師兄係亮有一計的POST中用好多數據大事反駁先值得睇下，其他的大部份都係當Entertainment睇下算了。


不過概然呢個article個標題係點睇樓市，當然要講番一D關於對樓市的睇法。我得承認，除左湯文亮／施永青／林奮強之后，我都算係我朋友間的大好友。當中我都曾經做過唔少Research的數據分折，但現階段我先唔去討論果part度，因為作為入門的第一篇，我有義務帶出令你同我都係同一個層面睇野先可以講落去。


咁究竟，我想講咩呢？借用湯文亮成日用傳太的故事開頭，我亦用一個賭場的比喻黎開頭。大家幻想下，你估賭場入面，係企足幾個鐘果Ｄ係度阿支阿左的人明個遊戲點玩多Ｄ，定係坐係度賭足幾個鐘果Ｄ鋪鋪落注的人明玩緊乜多Ｄ呢？你可能會拗話旁觀者清，但我主觀的答你，你唔落注，係側邊阿支阿左果Ｄ好難明個遊戲點玩。


以上的例子唔撚係話呢家我坐低落注就嬴撚硬，換句話說你買樓都可以輸錢。但問題係你要落注入左局，就算你無數據分折，你都會慢慢感覺到一Ｄ野，如呢張枱旺唔旺，咩牌要摶，咩牌要投降，咩牌要stay alive，庄咩牌要加注。有人可能又會話我企係側邊睇得多都知啦，多鳩魚。無錯，講你就天下無敵，真係落場操盤果時你咪又係一條鳩佬。要記住呢家如果我買樓的，我係要孭住條數同你玩，所以每样野你會不自覺的多留意，多關心，到最後件事有一日會突然間係你個腦度變得好撚立体，因為你會知道比如一個政苦的政策會點撚样影響到你，有無Agent打黎問你攞盤你又會感覺到旺唔旺，同AA吹水其間你又會收到好多資訊。入左局的人，睇到的野，諗到的野，係同一個無買過樓的撚样唔一样。


所以，如果我呢家同一個未買過樓的人講我睇到Ｄ乜，如一日有幾多ＡＡ打黎，有幾多人係我樓下約睇樓，Mortgage plan有幾撚抵屌….之類的野，佢可能會明你講乜，但係佢一定意會唔到中間的深層次意義。故此，記住要真正領悟樓市，就一撚定要下注。


追加: 我先聲明我叫人下注的意思只係你個先決條件去明我諗乜，但我唔係叫你呢家即刻去買層樓，你中意睇我個BLOG有無買樓我都歡迎，因為你買唔買樓都唔撚關我事，我極不鼓勵任何人睇完我個Blog就走去買／或者唔買樓，投資決定的重任你自己孭番，我唔會負責你的利益／損失。