而家仲係唔係買樓的時機?

有時坐低靚落黎思考的時候，都會諗下如果自己呢家一層樓都無的話，我仲會唔會買樓。


係香討，每日都會比極多的好友叫淡淡交租的post所支配，作為業主的我當然係好撚開心。之但係如果換我自己係無樓的一群，先勿論我係好友定淡友，只係係呢一刻，我應當如何自處?


我相信無論係業主同租客，都會認同而家係一個相對的高位，問題只係相對高位係唔係等於一個絕對高位，亦即係話，今日呢個高位，仲有幾多先會見頂。只要答到呢個問題，就可以采取適當的步署。之但係，又有幾多人可以預知未來呢？好話唔好聽，真係高登名言: 我唔撚知啊，知我就發撚左啦。


既然根本就無人知道個頂係邊度，咁控制唔到外來的環境，我就只可以控制自己的注碼。


對於有樓的我，其實我的狀態已經係太著重放係樓市，作為一個操盤手，我可能都要係現水平輕輕減一減磅。減磅的形式，莫過於一係你就賣其中一間屋，又或者，你賣左一間中價樓，補買番個細價樓，中間減低負債。我個人傾向後者，因為呢家環球形勢已經係以印銀紙為唯一出路，你呢頭聽佢爆穫，果頭就有人印錢，唔用數據都可預期，除非有一個黑天鵝事件係政府佑鳩佢爆而唔救，否則感覺就好似爆得越勁，印得越多，超級通漲似是步步迫近，樓價又真係好似好難跌。


如果我無樓係手的話，作為一個用家，我諗以我的財政狀況，為控制風險，我都會選擇買入一個低價樓住住先。係我之前的篇幅都講過，我係港島人，但我都搬入元朗，而元朗呢度，200萬樓下的野，仲係好多。畢竟就算200萬的樓，升跌20-30%，我仲後生，頂得住囉。而如果我本身係市區都租緊10k-15k樓的，買層200萬樓，90%上會，供30年，都係6,789元，反而仲輕鬆左。


買樓與否，如果只係一個初級用家，我建議都係唔好諗咁多。反之如果你係投資者，咁就要睇下你而家手頭上有幾重貨了。