逆移民潮下的樓市

相信大家對移民兩個字一定唔會陌生，身邊多多少少總有朋友選擇離開香港，而隊長亦係好幾個群組，不時收到朋友落地澳洲後的生活，感覺好似一切都美好同順利，工作相當如意，小朋友開開心心咁，一切似乎係天堂的感覺。

係群組中，不時有關香港的新聞都會被呢堆離港的朋友品評，大緻上都會開始聽到佢地的口吻好似係由上而下咁睇香港，然而回想當日由香港離開時，其實都只係一個普通到唔普通的打工仔，但落地澳洲一個月後就好似變左個澳洲人咁，不肆香港的一切，雖然隊長都明白要走就總有自己原因，但係走左都未夠一個月就將孕育自己家鄉的感覺好似全方位否定，感覺總係有點怪怪的。

同另一位還留守香港的朋友傾開呢個現象，得出一個類似賣樓或賣股票的結論，即係離開香港就等於賣自住樓心態一樣，要證明自己決定正確，樓市就必須崩盤，咁先至係醒目仔對吧？

不過崩唔崩盤唔係靠主觀願望，事實上香港雖然真係仲係食緊屎，但呢個半死的狀態會唔會長線可以反彈呢，呢個先係重點。以長線來睇，只講經濟，香港要反彈都仲係有佢的巨大潛力，只係呢段時間洗左牌，一雞死一雞鳴，下一個浪潮總有新人會係新一輪經濟下脫穎而出。

就正如樓市一樣，移民潮下香港樓市雖弱都都係未話弱到痴線，成交亦係谷底慢慢走左出黎，神奇的係樓價亦似乎見晒底係過去兩三星期又開始爬返上高位，完全回應番岩岩美國公佈CPI數據的8%破紀錄新高，百物沸騰下好難會唔升。不過用家方面，即係租客就係的確仲係少，始終有一大批人走左，所以租金的可以話只係平住發展，但隊長認為仲有好大的契機會遲早會推爆升個樓市。

呢個就係如新聞講，好多人其實去到外國會發現天氣不似預期，我明白有不少人硬著頭皮都會留係外國，但係同時又有幾多人會頂唔順發現自己本來係香港生活都不錯，去到卻有巨大落差呢? 甚至會唔會又有一堆人直情駛晒D錢就谷住番黎呢？唔好拗頸，一定有，走左十幾萬人，返黎一兩三萬人有乜出奇？當呢一批逆移民潮番黎的時候，回唔會又推高番個樓市呢? 畢竟都叫沽空左樓市，唔買都要租番吧。

另一批唔起眼的租戶就係鬼佬的市場，以隊長了解有不少鬼佬係呢一兩年都相繼離開左香港返返去佢地祖國，但當疫情過去之後，佢地又會唔會反黎呢？就算唔係同一批人，但同一批工種，可能目前都未必會安排人黎香港住，但疫情過後，應該都仲係要有一批新的鬼佬接棒，也許就算你認為香港不吸以前吸引，但至少都仲係一個一線城市，最多只係話回來的人數量少了，但數量少也是人口增家租戶增加，所以係好一段時間相信疫情稍緩都會為香港經濟打番枝強心針。

事實上，隊長眼見有不少人走的都係無太大的規劃，亦未必可以預期到自己面對乜野問題。有好幾位認識的朋友，走的時候只係憑藉一股勇氣，賣樓袋住幾百萬就走人，而自己可能連英文都係最叻講Hello同Fuck You，呢D朋友係香港本來都只係搵三兩萬，見佢地走的成本其實好低，所以可能亦成為左佢地走的動力，但正正係本來佢地都唔太係香港傳統的精英，本來諗住可能去到捱下都差唔多，但如果去到發現自己真係一兩年都搵唔到份正正經經能生活的工作，其實都係一件唔出奇的事。

坐食山崩，當果舊錢駛得七七八八之際，人生就唔到你揀。係香港，有份工有層樓，可以成條數有數得計。但係外國，可能做極都係炒散再炒散，朝不保晚咁食舊老本，咁就可能慢慢會諗，係唔係時候要回來了。

*********************  彩蛋 ********************

本文章都有彩蛋，請加入Patreon解鎖

*********************************************** 

睇完啦喎，幫幫手請係我facebook 度Comment / Like / Share啦！

https://www.facebook.com/CaptainHK80

*********************************************** 

隊長Blog價值:

如果你係我呢個Blog，求其比你執到一兩個點子，都起碼慳你一萬幾千，如果你叻的話，隨時幾舊水一年就令你成世受惠，唔好慳果少少錢就賺唔多大錢啊。

所以請大家subscribe我的Patreon，睇埋隊長的買樓秘笈，當請我飲杯咖啡，又幫下你自己，令你可以縱橫樓市，以一個「百萬租金」投資者的心態去睇市，其實相當超值。

仲等咩，拿拿臨去subscribe我Patreon啦。

***********************************************