隊長買樓秘笈十式(第一式) : 價值投資心法

 





相信好多人都聽過價值投資法,始祖當然就係巴菲特,意思即係你用合理的價錢買入一隻有價值的股票或投資產品咁,聽落好似好易又好有道理,好多人而家就會用性價比來聽代簡稱左呢個方法,但係到底有幾多人真係活用緊價值投資呢?


狹義去睇,其實價值投資係講緊你投入的成本低於你產出的價值就係一個價值投資,而活用係呢個世界其實幾乎可以用黎解釋呢個世界的運行。舉例你肚餓去食個譚仔,你投入50蚊食完出番黎飽左,你所投入的理論上應該係低於你的產出先去做,即係話你果一下刻咁食好過你坐車番屋企再係附近買餸再上樓煮,前前後後的車費同買食才以及時間成本,係應該就咁食就快好多,所以已經可以叫做一個投資係個價值上面,但係回報係呢個比喻上就比較主觀,即係比如你覺得好好食又飽肚,咁你就覺得有正回報;如果你覺得好L難食,仲食到痾,咁你就可能覺得負回報。前設係,你去做呢個決定之時,應該見到係有價值先會咁做,但回報就有主觀感覺同客觀的混合因素而定。


講番買樓,呢個世界大部份人都係想搵荀盤,而荀盤的定義又係主觀地唔同。舉例大部份香港人買樓,都可能希望見到比如同一間屋,樓上早兩個月成交800萬,但我就720萬買番黎,咁就係荀啦,因為我用720萬買到價值800萬的貨嘛。但如果你係一個國內大款,你想住淺水灣大宅但十年都無盤,突然有一個岩心水的但比市場貴30%,即明明間屋係十億但佢要比十三億,咁買的話係咪就唔係價值投資呢? 定係買的話又係咪傻的呢? 又唔可以咁講,因為只係話對於個買家黎講,佢睇到付出的係低於佢主觀睇呢間屋的價值,咁佢先會買的,所以貴同平唔一定反映客觀的價值,主觀的因素都係入面。但由於主觀因素係太因人而議,成個市場可能就係呢個買家肯比多3億,但作為一個普通香港人,如果你唔係痴L線咁有錢的話,呢個心法的其中一點就會要帶出,唔好比太多主觀情縮左右你買野,否則可能你買到一件只係對你一個人荀的野。要賺錢,當然係大家都覺得荀先有用。


係買樓的過程中,又有不少人會計到盡以為自己好L醒,但實在有時輸錢就係呢D位。當然好多人平時可能都真係心水好清好識計數,食個茶餐加兩蚊飲凍飲都會覺得蝕左,所以平時慳埋慳埋都係一千幾百,但一到買樓就呢度幾百萬果度幾萬呢度又幾千,所以簡單講慳得一萬就一萬,慳得一千就一千。但係要講呢件事出黎,倒不如列一列買一層800萬樓預算的各收費:


樓價预算:800萬樓

厘印費: 30萬

代理費: 8萬

律師費: 1萬


就當呢個故事係full pay買樓,成件事正常埋單839萬。咁如果有好「精明」的朋友,就會諗當然先傾價傾個平D的價錢啦係咪? 無錯,正常都係咁,而傾到咩就真係隨緣。不過嘛,有更多精明的人,因為順序係應該先搵代理,跟住先搵樓睇樓,而係呢個順序下,有D精明之鬼就會話喂你地有無得平佣架,好多出面收半佣架JA WO咁。無錯,可能出面有人收平佣,但係你一開開就咁的感覺係點呢?試幻想番,你老細叫你OT,但係呢你OT只係出一半OT錢咁你會點? 無話唔得,反正做都可能係焗做,不過好明顯,會HEA做囉。


要明白其實成層樓最大舊錢係洗係邊先?你買樓預算800萬,可能遇著件貨叫820萬,你第一口價還780萬都已經40萬,係40萬。係呢個還價過程當中,你知唔知個Agent會傾D乜講D乜知道D乜?唔知架喎。當然,唔係話一定你睇岩,亦唔係話個業主一定平,但如果最痴線的係,其實可能個業主760萬都肯賣,咁係呢個情況,你開780萬,業主760都肯走,咁你估成交價係幾多呢? 我答你唔到,但幻想下咁的情況,我估可能780萬成交,因為你都肯比780萬,但個業主比足78000佣,你比39000,一方面緊係幫業主啦佢仲開心,二來,你精明識計佢都識計,760萬成交佢得76000 + 38000佣,前後都仲收少3000,在公在私,做乜幫你慳20萬?玩野D的報復心態強,可能仲玩返你轉頭,知你可能Budget都係8M,同你講798萬啦幫你傾到好抵,掩多你18萬,你又吹得佢漲咩?


當然上面個故事對於個精明買家可能只係同朋友講話,喂我執到件荀野,開820萬,798成交左,我好中意,仲慳左差唔多4皮野佣,記得黎我度house warming!係架,其實做完傻豬仔,只要無人講真話就無傷害,仲以為自己慳左錢,但只係如果你想做高手,更加精明的話,最苯最苯就係搞代理個佣,無謂因小失大,比多左錢都唔知。


所以慳同Cheap其實可能係一個好模糊的概念,一線之差,但係出黎就有唔同結果。係隊長的理解當中,好少人係靠cheap可以發達,慳都未必會,但慳係一種量力而為的美德,而cheap就係一種註定一世都係差唔多水平的人的特質,比你中六合彩都遲早嘔番晒出黎。老實講如果個故事係因為cheap而比agent玩到買唔到樓,之後因緣際會下無買,800萬的樓幾年後變1200萬,咁你又點睇?要做富人就要有富人的智慧,錢係要比人賺,人人都賺你先有機會賺更多。財富係賺番黎,唔係cheap出黎的。


人生當中,其實買樓對於好多人黎講都係最大舊錢,所以越裝備好自己,就會更加知道點样去慳到錢買荀盤.講到呢度,都順便講句,如果你係我呢個Blog,求其一年比你執到一兩個點子,都起碼慳你一萬幾千,如果你叻的話,隨時幾舊水一年就令你成世受惠,所以真係建議大家subscribe我的Patreon,睇埋隊長的買樓秘笈,當請我飲杯咖啡,又幫下你自己,令你可以縱橫樓市,以一個「百萬租金」投資者的心態去睇市,其實相當超值。所以仲等咩,拿拿臨去subscribe我Patreon啦。


======================================================
喂,睇完啦喎,幫幫手請係我facebook 度Comment / Like / Share啦!
======================================================


寫左Blog 10年,各位讀者如果一路有睇開隊長的文,請盡量幫幫手
🙏🙏🙏Comment / Like / Share🙏🙏🙏🙏
.
特別係資深的讀者,情感勒索一下,幫幫手唔好慳你個CLS,等多D朋友可以睇到我的文章啦。
.
另外,以後隊長會有以下的出文安排啦
🔵 星期一:隊長每週公開分享
🟠 星期二:Patreon會員專屬文章 + Blogspot不定期分享
🟣 星期三:Patreon會員專屬聲音 + Blogspot不定期分享
🔵 星期四:隊長每週公開分享
🟠 星期五:Patreon會員專屬文章 + Blogspot不定期分享
🟣 星期六:Patreon會員專屬聲音 + Blogspot不定期分享
🟥 星期日:休息下
.
💡💡💡💡💡💡💡💡💡💡💡💡💡💡💡💡💡💡💡💡💡💡💡
.
Patreon追加猛料:
.
- 我的傻西租客: 十年收租生涯有無數笑料趣事,隊長公開搞笑系列等大家可以輕鬆恥笑😏😏😏
-「百萬收租」系列: 無錯,隊長將會分享最核心的百萬收租大法,等你窺探一下呢個隊長的收租王國。👍👍👍👍👍
咁多精彩內容,仲唔拿拿臨去Subscribe我個Patreon?
====================================


留言

此網誌的熱門文章

被退休的CEO

DSE題三: 專精一事還是多元人生

大圍車位的潛力