沙中線的威力


其實香港係未來幾年將會有三個重要的基建落成,一就係打通珠三角一帶的港豬噢大橋,而另一個就係將香港成為成個大陸巨型鉄路網入面的高鉄,第三個就係貫穿港九新界的沙中線。


三個概念各有棒場客,有投資者就睇好港豬噢就勁買中山豬海同埋東涌樓咁話,而高鉄就最多買柯士甸咁講啦,之但係三個之中,隊長就認為最具威力會係沙中線。


對比其餘兩個基建,首先要明白各個基建設立的目的係乜先?以港豬噢為例,應該係以商務客為主,其餘側為運輸吧。高鉄呢,就以各類型旅客為主。唯獨沙中線呢,係以香港居民為主題的。好明顯,旅客呢就係過境旅客,佢地黎住係住酒店,唔住的可能就係唔住。你話當中有無人會留港買樓呢?一定有,但應該唔係主要吧,對比沙中線的話,沙中線係打通香港內部的基建,住的人應該會因些受惠吧。


要再深入研究呢,就要睇下條走線先,其實沙中線分開左兩期進行:


第一期的走線係由大圍-->顯徑--> 鑽石山 --> 啟德 --> 宋皇臺 --> 土瓜灣 --> 何文田 --> 紅磡以後駁西鉄,形成東西貫連的走道。


第二期的走線係原有的大圍-->旺角東 -->紅磡 --> 新增至會展 --> 金鐘。



轉載: 以上圖來自wiki


好啦,睇完呢條沙中線呢好明顯思考最受惠的站係邊度呢?無錯啦,就係大圍(其次應該係沙田),好明顯呢家由東至西的又有大圍去到屯門,由南至北係由金鐘經大圍去到落馬洲同羅湖,仲未計馬鉄站都係響大圍轉車,基本上大圍站可能會成為全香港鉄路站黎講最最最最最最中心同繁忙的一個,而且如果你睇下走線圖,以前大圍去港島,大部份人都唔會on99咁轉石硤尾經尖咀轉兩程車去港島,反而好多人會選擇去紅磡轉隧道巴,之但係而家就坐多一個站就到會展,兩個站到金鐘,真係方便到暉。而且啟德都係同一條線上面連啟德概念都食埋,當中諗下如果你係啓德番工的,又可能又要成日中港咁走的,又想方方便便的,成條線上面最著數真係大圍。


如果你又係住開沙田區的話,有一樣野一定身同感受的是沙田新城市廣場係一個絕地恐怖地人多的商場,成個商場群由新城市廣場連埋沙田廣場,好運中心,沙田中心,偉華同希爾頓,每逢星期六日假期,都係可以話水泄不通黎形容,主要原因係咩呢?就係係成條東鉄線匯聚人氣的新界段,係得沙田呢個商場最有規模,而且成個馬安山的人口如果唔去新港城,出去第一站就會係沙田,所以沙田係得天獨厚做左個超級獨市生意。


然而,大圍站其實個商場亦已經密羅緊鼓咁起緊,規模需然無新城市呢幾個商場咁巨型,但本身應有的三鉄匯聚人流應該都會好勁,而呢個商場的關鍵作用係會令整個大圍變成真正的交通同埋購物中心,住係大圍區的方便程度係打通晒所有鉄路之時會係誇張得恐怖。隊長我唔敢講大圍會升幾多,但如果大圍係將來成為成條東鉄線的龍頭,可能亦不為過。







留言

  1. 隊長你好,我不是住在香港的,但眼見國內 珠海、中山,甚至江門等地區的樓價都升得好利害,樓的亦起左好多、但睇返當地人口及佢地的月薪,應是難以負擔當地樓價;即主要樓宇是由非本地人或富二代買,有部分什至長期沒有人住、不明所以為何佢地樓價還升得這么高,請教請教🙏🏻🙏🏻

    回覆刪除
    回覆
    1. 好多人追落後,國內樓又係另一個世界, 隊長不才,唔敢亂講了

      刪除
  2. 隊長你好,想問沙田第一城點睇?

    回覆刪除

發佈留言

此網誌的熱門文章

被退休的CEO

DSE題三: 專精一事還是多元人生

大圍車位的潛力