荀盤是否湧現

十一黃金週，排山倒海的工作終於有得舒緩，平時一開電腦就有四五十個新email的時間，今日就樂得清靜，令我可以去計下數又諗下下一步點样捉呢一盤人生的棋。

回顧目前我自己手頭上的樓，全部都有SSD綁死晒，可想而知呢幾年我買得幾多，不過大約係明年的時間我就又有兩間會鬆綁，到時我可能又會走一轉先。有好多人會話，買樓成本高，一買一賣以而家今日計，隨時用你十幾二十萬，呢個我都好認同，不過如果能夠係新的落后左的樓度追番，咁又未嘗不可。

所以，我又開始打電話去Agent度吹下水，睇下咁靜的樓市下有無一D荀盤湧現，同左幾個有聯絡開的去傾，發現一近400萬的樓，偶然都有一D相對較易入手的盤係可以食。而相反，近250萬左右的樓，荀盤真係搵唔到，不過平均都叫得好進取，睇黎都係叫做有D支持。

奈何，支持還支持，上升的動力從AA口中感覺真係少左，畢竟如果從自己出發去諗，佢老味有個350萬的荀盤（market做380up)，睇到我都食唔起，無計，因為呢家要5成上會，即係手頭要175萬首期，而厘印+DSD大約10萬，佣金+係咁易執一執又去番你5萬係咁易，搞下搞下最少攞住190萬先買到層350萬的樓，投資的話真係打個突，入場費太高搞到我真係卻步。

所以，無投資無新的資金鏈進入，得番D雞仔上車九成客，老實講作為業主的我真係無乜野都無乜興趣賣樓，始終呢D友仔上黎就係要你平10個8個%最少（即係起碼平20-40萬不等），之餘仲最好你有豪裝，最好就個經紀片埋個佣比佢，呢Ｄ人買樓我諗連經紀都廢事幫佢，所以真係有荀盤的機會好少，除非業主極度等錢洗。

不過點都好，目前睇到的情況係以租養樓等到曙光再現都係一個選擇，一來比SSD夾住其實都無乜好做，之不過而家收住租等下搞下又一個月，都係一個幾梳乾的時間，而且睇美國政府比共和民主兩黨的議員玩到咁就知好大機會有排QE，呢D時間一於有盤就吊下傻仔，另一方面就放風聲慢慢等AA餵盤，都係一個好的選擇。