李嘉誠令我起了戒心

題目有點奇怪，其實唔係話李嘉誠本人令我對佢有左戒心，不過倒是李嘉誠呢家玩分折港燈我就覺得開始有點景轟。

李嘉誠作為香港首富，一言一語都知道係舉足輕重，佢亦已經去到一個咁高的境地，我相信佢無咩事係唔會做D野出黎搞亂個market，比人地估佢係咪無左信心，特別係講話對香港無信心呢件事，始終一方面我都相信佢有個情意結，唔會話無啦啦搞冧香港就開心，令一方面佢亦背負住國家的期望，如果因為佢隊冧個市，我相信都幾多國內的高官會搵佢麻煩。

因此，今次超人先話賣百佳，再話分折港燈，能夠推動到佢搞的只有兩個原因：

1. 佢真係好唔妥CY，堅要搞串個party，不過當然后面政治團体都樂於見佢咁搞。

2. 佢堅係睇淡個市，認為未來呢段時間可能都儲番多Ｄ子彈先。

個人估計，兩個原因都應該有，不過佢就一定唔會證實ga la，之但係亦可以邏輯推段下，CY上台一路都係搞地產商，而且一直唔肯妥恊，之前長實投左咁多地番黎好話唔好聽呢家真係比佢搞到蟹晒，牙齒印就一定有ga la，而佢后面係中南海的人應該都開始比壓力，如果堅係咁的話亦即係有人一步一步想將CY軍，當然李嘉誠亦應該想佢盡快收皮。

而面對呢家聯儲局換界，下一期的聯儲局就會係以退市為主，咁究竟退市會退成點，幾時退無人知。而退市對香港的影響，到時香港政府又會點應付退市，亦無人知。不過，以超人係香港的實力，如果香港政府波仔同CY到時真係唔小心隊冧左個市，李超人而家賣定野，到時可能攞住幾百億cash係度瘋狂買地都未嘗不可，到時一Q賺番晒呢幾年的都OK。

咁即係話，李嘉誠多多少少認為后市可能都唔係太樂觀，所以坐住舊cash順住政府等跌市都OK la，而且呢家賣果Ｄ都係D唔係太好ROE的野，百佳港燈的回報率都其實偏低，就算睇錯左套番黎的錢第時投資番D high yield的野都可以追番，所以對李嘉誠黎講應該都算係一個坐和望嬴的局。

點都好，賣野坐cash等跌呢D野，即係表示李嘉誠內心點都覺得個市有一定機會跌，問題只係唔知跌幾耐，幾時跌同跌幾深。如果係咁的話，本來我都諗住扯盡D入多個secret project，而家都係可能放慢D腳步，而免行太快跣低就無謂了。也許，多一點戒心，停一停諗一諗，唔買又唔賣，儲多點實力再作盤算先為上策。