樓市失衡嚴重 憂損經濟穩定 港人供樓負擔高於97年

新聞: http://hk.news.yahoo.com/%E6%A8%93%E5%B8%82%E5%A4%

呢篇新聞真係好cute，唔知點解可以咁成功咁造成好似話而家負擔比率好高，樓價失衡嚴重，負擔高過97，真係睇一睇個標題我都驚到瀨屎，如果你係淡友的話，基本上睇唔睇內容都無乜所謂，反正就肯定會話呢家貴過97，所以樓價會跌之類的廢話，去facebook呢個新聞的評論已經反映大部份答案。

不過，我又忍唔住去睇一睇金管的原文，發現其實呢篇新聞雖然無講錯，但係排位的方式就真係好令人混淆視聽，比人一種感覺樓市危危夫。

點都好，因為一開波我見到個文章話：

- 金管局估算於今年中樓價收入比率已攀升至十四點七倍（即樓價等於十四點七年的家庭收入），超出九七年的高峰水平；

- 收入槓桿比率（即每月供款負擔比率）則升至六成半

- 若加息三厘，該比率便將攀升至八成四更高水平，反映屆時市民負擔將更重。

睇到呢到，我就係度諗點解收入槓桿比率咁有六成半咁高，加息三厘仲去到八成四?如果呢個數字係真，唔好話你，我都即刻賣L晒D樓，因為真係好L誇張。不過，對於而家的按揭規管，明明投資的要50%，大過600萬后好大機會都係借到50%左右，成交又咁L少，又SSD左成兩三年，按路計個負擔比率無理由會係六成或以上，最多我諗都係五成左右姐。

*你*味，再睇一睇原文，原來佢講緊的係市民的總借貸，即係話將樓按+P-loan果D野黎計，咁就即係同樓唔係有直接關係啦，一來點解會加埋一齊計已經硬膠，即係話呢家我買樓借左錢，但你無樓但又走去借左50萬P-loan，但成個數係你同我的收入中位數為基礎，比按揭+你個50萬P-loan去除？吓，咁L样又話負擔高左？唔L係嘛？

最L衰係佢將呢D數字係篇新聞稿度放埋一齊，真係唔用腦睇的話堅覺得八成幾真係即冧都似。

睇到最尾，其實我個心都定落黎，因為如我上面所講，金管收緊左按揭，理應負擔水平係improve左先岩，所以最尾份報告都講：

新做按揭成數由過往的64%降至最近的56%，供款對收入比率則由逾40%降36%，睇完呢兩個數字，我就真係challenge番其他個編輯係咪真係覺得個subject: 樓市失衡嚴重 憂損經濟穩定 港人供樓負擔高於97年 <--係岩定錯啊？*你*味呢篇野真係留番下個月halloween先攞出黎嚇人啦。

報告: http://www.hkma.gov.hk/chi/publications-and-research/half-yearly-monetary-and-financial-stability-report/201309.shtml