我的初次買樓体驗 ［後記］

呢次買第一次樓的經驗，令我學到好幾樣野，奠定我對以後在樓市的發展。


1. 上MC的按揭真係好麻煩，所以我係夠錢同樓價升左後即時轉按避開MC的MORTGAGE。

2. 單幢樓都係仆街野黎GE，而更街的係i-home d人實力好撚雞屎，開始果時真係賺好少都走，搞到就算有成交個價都升得好慢。

3. 收樓其間我識左另一個AＡ叫阿力（假名），阿力係第一個話比我聽有半佣的AA，我亦介紹左個FD幫佢買左間名鑄，不過我同佢都算有緣無份果Ｄ（生意上，我唔是基佬）。

4. 有D AA做野真係仆街，你比錢佢賺都要搵個識TUM下你當你老細。我呢個AA就一睇就知唔識DO，無野益我呢個老細之餘，見到好似我乾晒子彈就唔再搵我。如果佢識做有計的，起碼仲有幾單DEAL做。

5. 我買完呢次樓後，都覺得有樣野係威的就係我只用左一日時間心口有個勇字就黎料。呢家見到Ｄ人痾痾哥哥咁唔知係度做咩春的，我會覺得好撚煩成個女人咁款。

6. 買樓，由其是第一層，千萬唔好計到太盡。有Ｄ人話我比咁多錢比HKMC買個保費上會好唔抵。但講呢句野果兩個人到今日都係未買樓，而我就已經遠遠係身家上拋離佢地。


買完i-home之後，我繼續努力工作，並由於受到MC的刁難，我開始明白mortgage遊戲的玩法，導致我係財技上有更深的領會，使我係之後再買樓的時候如魚得水，亦係我成功的主要心得之一，我敢講，我的CASE異常複雜，一般的AA都未必識計我條數，以我呢家對mortgage的認識，我相信我已經係去到可以幫人做mortgage的銀行資深RM的level。


而究竟我之後點样運用財技套得第二第三層樓，（當然我都要有番咁上下人工先啦），咁就記得Bookmark我個Blog，我會講下一Ｄ可能唔係咁多人會扯到咁盡去計數的方法。