[BK2019 - 002] 市況漸好靠代理


一月份市況稍稍回暖,過去的週未都見到唔少谷底反彈情況,而且成交亦稍微增加,代理傳黎的數據都屬稍微回暖的跡象,未敢話強勁復甦,但的確係比起最低位已經有約10%的彈覆,隊長似乎又看似撈到荀野。


撈到荀野的其中一個原因,除左係隊長係低位時好積極咁搵盤外,而地產代理(AA)都真係做左一個好好的角色。事實上,對於好多剛上車的人黎講,好多時都只會搵一個代理又乜信得過又點好點好,當然沒有絕對,因為睇運,有時咁夾你個AA一黎就比到好野你,又或者你係死要買一手樓佢又好腳頭幫你抽到你要的貨,咁其實人夾人真係好難講。但整体而言呢,隊長認為搵AA,尤其是你搵盤積極的時間,必需要搵多個AA先有更多機會食到好野。


之前提及其實每間AA,唔理佢大行細行都有佢自己的棒場客客戶群,有D盤你有佢又未必有,有時捐窿捐那,可能係細行AA比到好野或靚價你都唔定,所有野係唔同人的組合上得出黎的結果,就算係同一個盤都可能唔同價成交,好難講。至於點解會有唔同的結果呢?就即係咁講,每個AA諗的野睇的野面對的野都唔同,有D AA可能好積極呢排勁餓,所以會幫你扯盡;但有D AA本身懶底,你見佢可能玩手機,可能佢真係做緊野,又或者佢真係玩手機,你永遠唔會知;又或者,有D AA其實跟緊幾個大客的野,你果單又唔易食,唔得閒理你亦說不定;又或者,有D AA其實都諗住唔撈或轉鋪,同你做完呢單除時唔知點計條佣,諗諗下都係唔跟算;又或者,眼前呢位AA覺得你都唔係真係買,到時搞到D野番黎又呢样果样,索性唔浪費時間算。


唔同的可能性係有好多,所以如果你只係搵單一AA幫手,能夠得到最大化的搵盤效益係比較困難,當然如果你天性好彩就無得講,只係從科學同機會率黎講係必需搵數個AA同時出擊先會有比較等等。而係眾多的AA當中,我認為有D AA當隊長係水魚的楂價技巧先係最令隊長討厭。


實情係隊長有時都會想益下相熟的代理,舉例說比如賣家叫價500萬,隊長認為480萬左右係荀 ,係市淡下可能經A代理傾完為495萬咁,然後就叫B代理去試傾480萬啦幫手,由代理A去B的原因,無非因為代理A已展現疲態唔想續傾,話業主鋤唔落。當然,代理B上的話可能會比業主錯覺有多個客又問,不過呢其實隊長對呢個盤的興趣唔係十分旺盛,如果傾唔到真係唔係問題,但傾到的話因為同代理B熟D,咁做個順水人性比代理B上章牌都無所謂,自己又得益。但點知呢,代理B有時又係唔爭氣,當然隊長我無講已經傾到495,但叫你幫手去傾,你竟然覆我505萬,係咪玩我啊? 我同代理B講我話實情我同代理A傾到495,而代理B的答法係咁不如你495落票買啦,啦在商言商有票都要有小小道德,如果我用得495我就經A買左啦,仲駛係度等你覆我咩........... 



然後嘛,有時D野有真係好搞鬼,代理C知我入緊貨,成日就同我講幫我留意芸芸。之後嘛,有一日打比我同我講隊長有件荀野,咁我就以為咩荀野啦。一講樓層坐向,即時勾起我12月中睇過的一個盤,當時個盤係380萬,屬屋苑最差的單位黎講,隊長睇的時候係睇人地網上自讓盤,所以連佣都慳番,而隊長認為呢個盤最多只值360萬係果一刻,因為如果380萬計我同一時間可以用390萬買到更高更靚的盤,所以我同個業主講興趣真係不大,除非360萬,呢個唔係大佢,係一個真心的答覆,堅係真係貴小小都唔想買,而個業主同我講佢堅持380萬啦又話租金無跌過乜乜七七,其實都唔緊要因為當刻隊長已經入左貨所似唔急入。點知,隔左成個月,代理C打黎的,係我一個月前傾過的呢件蘿底貨,仲未賣出之餘,代理C報比我係400萬話荀。我即時話喂我12月中睇過呢個架,無玩我啦好嗎?呢口價本身都未出到貨,呢家仲貴左(仲要比佣 <---呢句我無講) ,仲要當新野,無玩啦。代理C尷尷尬尬咁答係啊個業主反左價,哦咁就無計啦更加唔會買,因為呢一刻隊長入的野仲多過當時,再貴左的隊長我只能多謝佢一齊幫我抬番起D價。


而事實上,做到野的AA係會準時準確報盤,楂價情況無可避免,但今個浪隊長入貨的兩位AA,只少楂左多少隊長都係無法質疑的,即係你呃到我我都唔知果隻,咁隊長我仍然樂意做一隻幸福的小豬,因為係咁的情況下隊長起碼覺得自己真係入左荀野,而到今日唯止,入左的貨,普遍已在一個月內有回報,真係算係咁。


回到市況,隊長之前鋪落的AA釣盤陣,開始覆番黎的野都基本答無貨無貨,下下一跳就跳左好Q多價錢,而且基本個個都答話呢兩星期多番好多人搵盤,well....隊長我都講明話入到7788所以唔再入,所以水我都其實無乜意思,市況如此就是如此。可以預期,新年後應該會有較明顯的小陽春。















留言

  1. 隊長,請教一下,點樣分辦大AA行啲網上盤 是否流料?細行是否反而多啲靚賣盤?

    回覆刪除
    回覆
    1. 而家所謂的盤無流料, 但會有賣左的未更新料.....大行普遍都仲用呢一招, 那怕地監局放蛇捉假盤20萬一個.
      細行通常有自己生態, 佢地一般有相熟業主幾十年街坊, 有時有D野係可能得佢地有, 但唔代表靚同荀.
      無野係絕對.....唯勤是岸, 但更加吹你唔漲的係夠運.

      刪除
  2. 係,運都緊要。盤岩都好,俾人截左都有可能。
    二手盤,我覺得大細行都要搵,始終細行有細行門路,大行真係睇你同 a a 有幾熟。大行佢哋理一手時真係唔會理你

    回覆刪除
  3. 隊長, 請問一個盤經代理A睇, 出埋價, 係唔係一定要經佢買? 點樣可以同代理B出價買?

    回覆刪除
    回覆
    1. 有簽睇樓紙就一定要, 如果唔係你可以同B買完又比埋A佣, 無簽的人咪買得

      刪除
    2. Hello請問點可以唔簽睇樓紙? 謝謝~

      刪除
  4. 加油!有時間看看我的blog
    http://hopehei88888.blogspot.com

    回覆刪除

發佈留言

此網誌的熱門文章

被退休的CEO

DSE題三: 專精一事還是多元人生

大圍車位的潛力