狗年預測
記得舊年呢個時候隊長出過一年的雞年預測,一年後的今日都係時候埋單,睇下有咩會比人鞭屍:
----------------------------------------------------------------------------------------------------------
呢個竟然唔準,但係係開心的唔準。
- 林鄭同葉劉做唔到特首。
呢個都唔準,噢。
- 股市上望有機會挑戰26000點。
呢個又係唔準,但方向算正確,只係升到上左火星。
- 樓市會係上半年升多小小,然後年中整固,去到年尾會再現升浪,整年埋單升約5-10%。
都係老本行叻,呢個應該無人話我唔準啦掛。
----------------------------------------------------------------------------------------------------------
隊長的預測同對市況的了解其實都應該有D掌聲掛,我相信我係第一個人正式係10月講下一個升浪的條件漸成熟吧,的確由十月到呢家,個市應該都彈左5-8%,呢下都算係講中掛?所以呢,都係老本行先可以預測較準確。
咁到準備踏入2018年的狗年啦,今年又有咩預測呢?
- 2018年農曆年前政府將會推出更改9成按的細節,上調細節就睇番呢篇。 估計應該係2月12至15呢幾日公佈。(無收風或陰謀,純推測)
- 2018年整体樓市將會平穏上升,預期強勢將持續至十一二月左右會慢番同整固,細價樓高位可由而家約420-430萬推至最520-530左右,然後明年一月回落番到至500萬水平。
- 今年香港P息口會加不多於一次。(咁样講好似大包圍但應該唔會點大加)。
- 恆指唔係我老本行,但預期今年挑戰38000點甚至40000點。
- 土地價格將會累創新高,唔計傳統超級靚地(山頂),市區地價可能會有30000蚊呎出現。
- 世界杯決賽巴西對西班牙
好啦,預測就又講完,今年對於隊長黎講應該係好關鍵的一年,希望可以順風順水咁就真係Very Good。順便祝大家新年快上,股樓齊升,並最緊要身體健康,恭喜恭喜。
八卦一問,點解今年好關鍵? 準備退休?
回覆刪除