操盤實例 -- 後生父母展望將來篇

隊長, 你好

有關如何買到第2層樓, 有些問題想問一問 ....

先講背景, 

老公
29歲,  月入 1.6 萬 + Double pay.

本人
28歲. 月入 1.9 萬 + Double pay + 約12萬花紅

今年剛買完自住樓, 寫我一個人個名 (321 萬, 借8成 30年.H+1.7 現月供9千幾)
另有以下投資
股票28萬
RMB 定期30萬
RMB 基金 10 萬 >>  2015年4月到期, 無錢賺, 到期後會拎返D 錢出唻
基金5萬     >>  2015年8月到期,無錢賺, 到期後會拎返D 錢出唻
現金10萬
因有小朋友,有請工人姐姐, 每月能儲錢唔多.
每年只能儲到double pay 和 花紅.

目標 : 5~6年後買多一屠樓,現住緊既拎唻放租
問題1 : 每年儲到既錢同基金到期拎出唻d 錢.
           應該放入去供第一層樓,等快D 供完. 
           到時按左層樓用D 錢去俾第2層樓D首期.
           定係用每年儲到既錢留起, 再加RMB 定期, 加起唻5年後有約100萬.
           再加股票同基金D 錢. 再俾第2 層樓既首期?
問題2 : 第2層樓可以買到幾錢既樓 ? 希望買到 300 ~ 400 萬既樓. 
           但只寫老公個名. 過到壓力測試嗎 ?

希望你能解答以上問題. 非常感謝

-------------------------------------------------------------------------------------------------------

其實一睇你個case,你兩位收入真係唔算高,對於用一個工人姐姐黎講真係有小小奢侈,不過當然人生唔係得個錢呢個字,之但係如果你又咁想有第二層樓的話,可能反而短期內諗下有無替補方案。


講完你個姐姐講番你個case,異常地簡單,係人仔的就繼續做定期,唔係人仔的野,即港幣,全部可以的話,去銀行申請番個mortgage link戶口,然後每個月自己乖乖地儲錢入去抵息。你申請左按揭的話,問下你個RM,睇下你邊間銀行,有D要罰你2000蚊轉,如果唔想比的就頭一年換做人仔,過左罰息期或唔駛罰錢先開,反正你儲到的錢唔多。


當你有mortgage link,其實已經等於答左你第一個問題,因為你放左入mortgage link等於還左錢比銀行,只不過可以隨時攞番出黎用,講清楚D記住唔好做傻野搞partial payment,特別係你都已經借左8成又比左保費,之後又partial咁on9的野唔好做啊!!除非一個可能性就係你保費按年交,咁你想慳保費就合理小小,如果一次比晒就老蟹都唔比佢。


第二個問題係你五六年后的問題,講真我呢家答你,到時政策變晒,會有點多餘。所以,你五六年后認為時機成熟先再搵我吧。


不過最后我比多小小comment你,你個case我幻想到的係,本身一隻龜已經行得唔快,但隻龜仲選擇去孭好多野黎行,老實講你呢家話的係如無任何意外先五六年后有100幻,如果到時有咩同預期有出入,如你生多個小朋友,或者小朋友讀書D錢要多D之類。開源就唔係我幫到你的野,但節流你真係好應該諗下,要捱就后生捱,你捱到35-38先請姐姐可能先係上策。

留言

  1. 隊長,如有一筆錢,想問一下應放在mortgage link 定係做其他投資或定存好?例如mortgage link有2%,仲有20年供;人仔定存3%。有沒有一條線去判斷做mortgage link定其他投資好?

    回覆刪除
    回覆
    1. 沒有一條線
      睇你係咪認為人仔賺得多過ML

      刪除

發佈留言

此網誌的熱門文章

被退休的CEO

DSE題三: 專精一事還是多元人生

大圍車位的潛力