操盤實例 -- SSD賣樓篇

求生隊長您好，我是80後，幾個月前有幸在facebook讀到你的文章，我和女朋友也因而對財務自由和passive income的看法受到很大的啓發。首先謝謝你無私的在blog 和大家分享你的意見和人生觀，也想你對我們的未來計劃給一些寶貴意見。

我和女朋友今年28歲，也都算是專業人士，收入工作也穩定。

我月入約40k, 給家人家用7k, 每月開支約7至8k;
女朋友月入約30k, 家用8k, 每月開支和我相約。

在2012年10月以約$3.8M 購入了一個約570呎(建築)的兩房15 年樓齡的屋苑(位於市區)的單位。當時用了我們的積蓄(約770k)加家人的幫忙(約500k)以3成首期(1.27M)買入，由同年12月開始一直到現在也租出了給同一個家庭(現在已是生約)，租金夠cover月供開支有突。當時也是想我們有置業的需要，可用作幾年後結婚用，而且大家收入尚算穩定，可以冒加息的風險，所以就膽粗粗在不算低位時也上了車。在這一年因為我們多餘的儲蓄都用在我家人發生了的問題上，所以至現今我們的savings也只有約40k(現在已解決該問題我們也可重新儲錢)。

最近向相熟地產了解過，我們的物業很大機會可以在約$4.6M左右叫價。但如在今年10月前出售就要被政府罰stamp duty 5% 約20萬。所以，如現在可以$4.6M出售，扣除當初9k釐印，20萬stamp duty, 我的就有約500k profit, 連當初本金及歸還500k給家人，我們就有約1.2M在手，可利用部份資金來完成我們2015年結婚的計劃，部分的重新再以1成上樓自用，餘下的再在往後幾年時間儲夠三成首期購置多一個物業岀租，以達成擁有被動收入及將來有天達至財務自由的終極目標。

作為一位有經驗的Life Planning Coach, 你會否建議我們待到10月後才考慮賣出物業，還是有其他寶貴的意見？謝謝你隊長，祝您早日可真正完全"為自己打工", 享受人生，生活無憂!!

-----------------------------------------------------------------------------------------------------------

首先多謝你咁俾面！

講番你個case，我之前再問你的SSD係咪兩年版的，因為你剛好在出招果個月買野，所以好在你係兩年版，我的答案就好快可以答你係點都楂住個單位先 ,因為你楂住佢同賣左佢的成本,係5%的SSD, 約20萬 + 大約我估每月1萬的租金, 到10月我當仲有10毎月, 即差唔多30萬。


其實好多時有人都會問我睇跌係咪SSD照走，但我的睇法係跌唔跌大家都唔知，不過你一走輸SSD就即輸5%比政府，有租收的像你呢個case就再輸多約3%，郁一郁連佣金如果再買就接近10%有突，而呢條數係輸硬仲要係即輸，對比一個未知的可能，我自己黎講就會選擇起碼楂晒個SSD期先，畢竟就算跌，跌唔跌得過10%都又係另一個問題。


當然，你個case仲考慮到可以還番晒D錢比屋企人，再加埋要結婚呢一舊洗費，而且你手頭的現金勁少，一個浪沖埋黎你也許會怕被淹沒。不過從一方面睇，我相信今時今日市況要走都比較難，你可能收番層樓放匙落地產仲要等兩三個月，當中有D蛋散開D無厘頭的價比你（如我呢D)，或許等下一個二手主導的旺季先走，先會有個好點的價，否則你話4.6M，有機會比人中間4.4M鋤走你都未定。


另一方面，如果你等到年尾先賣的話，其實SSD個罰款＋租金，我相信都已經差唔多比番晒個婚禮的資金比你，你的風險只係楂多一年唔跌就OK，而且再諗深一層，如果再多幾十萬比你，又點計數？

其實睇番你們兩個收入，如果慳慳地每個月都應該儲到大約30K，一年后就有360K，到時你賣左唔輸SSD，就應該會有大約賣樓的1.5M + 360K = 1.86M，然后唔知你結婚幾錢啦，不過要買番兩層樓，分兩個人名，一個90%上來自住，另一個30%上，應該都不成問題的。但相反如果你SSD輸比政府的話，可能條數就未必計到兩間了，除非兩個都90%，但咁样出租就唔是咁好了。


最后我的底線係，輸乜都好，　我一定唔會輸SSD比政府，除非無得揀。