口頭承諾的陰謀論

呢家立法會正在審議的，係政府的雙辣招議案，亦即關孚各業主同小市民的資產的議案。不過，同以往的立法會討論的不同，政府一直對成個議案都企得好硬，唔會有咩要更改，一直硬推，如講咩比慈善團体買樓，或香港人公司可免BSD等，到最后都唔肯讓半步，直到而家突然講話加辣就要先議后決，而減辣就先決后議的口頭承諾，令今次立法會都亂到傻左。


亂的原因有好幾方面，其一就係建制派議員亦唔係如過去一面倒支持政府，像石禮謙所代表的地產商，佢谷住一定要投反對票，而建制派內部亦唔敢肯定係咪一面倒支持下，即政府無左一部份鉄票保呢條法例通過。而反對派就本來好尷尬，因為如社民連及人民力量的話，本身應該乜9都反對，可識打樓價又係一個道德高地，一個唔覺得行錯左，得罪左選民就真係可能票源大減都未定，所以佢地可能又要反對，但無奈又要支持。所以，像黃毓文講而家呢個議題就真係睇到成個立法會合縱連橫，唔單止係保皇／反對派的角力，亦有利益團体同非禾益團体的角力，更有政治投票的壓力，所以政府都唔可能完全有把握硬推。


不過屌詭的係，政府一直拖左成個議案一年，到呢家一定要二月會期硬推，亦係臨尾的時間搞個口頭承諾出黎，后面如果有陰謀論的話，我相信亦有一男子在盤算。


回說正常政府硬推法案，一般都會係議會外先搞掂保皇，睇下夠唔夠票，唔夠票就會向遊離的票源埋手。所以，你可以睇到立法會大部份議程，其實入去講完一輪，到投票果一下大家根本唔會理討論D乜，都一定會舉手通過，絕大部份的時間其實都只係一場show，所以政府要硬推入議會的野，其實一般99%都知過唔過到，過到就理得你up乜，過唔到就收回再議，呢個係一個慣常的做法。


今次的問題，係在於本身口頭承諾其實無實際的法律效力，即係話條議案無改過，但政府自己覺得讓左步，睇你班議員信唔信佢地。換個角度說，如果條例根本唔夠票過的話，政府實情係理應收番，再改過再推，而且像林大輝講，樓市睇唔到係一個月內，即三月會期前，會有任何翻天覆地的事情發生，點解政府呢家肯讓步之際，又唔係肯收回議案，修改完話加辣就要先議后決，而減辣就先決后議的呢一個承諾，再重新排番上三月會期按程序來做，呢一個不合常規，不合程序不合理的做法，係一個史無前例的古怪安排。


退后一步諗，如果你係689政府，陰謀論一點講如果你想撤招你該如何撤呢？如果係有人示威而撤，則比人感覺你無管治威信；如果你係按市場冧二三成而撤來救市，又怕比人屌佢搞冧個市；如果係現市況撤，一撤完樓價再升都一定會招人口實。變相，撤招的難度好難，因為你點撤都一定會比人屌高。所以，陰謀論黎睇，最好的目前的撤招方案就係立法會唔過，咁以后樓市再點样行，689都可以話，唔L關我事的，係立法會議員唔通過，亦即擺立法會上枱。


如果呢個陰謀論成立的話，咁下一個問題就係點样要立法會否決呢條議案？當然要平行的，就係唔可以出賣自己友如民建聯啦，所以最好否決的人，就係反對派同民主黨，等傳媒同市民的目標投射晒係佢地身上，其他人就甩難。但問題係，如果話打樓價呢個道德高地的話，反對派又唔一定要投反對票，所以條例又唔一定可以否決到。但係呢一刻，政府搞個口頭承諾出黎就唔同左，因為政府呢家擺明玩野，玩黃牌踩界，保皇就照例保皇佔領道德高地，而反對派就好似比人擺晒上枱咁，口頭承諾你都比佢過就面子全失，立法會尤如廢物；你唔比佢過咩，就係你班友仔廢左條例，以后樓價大升你地就係罪人。


故此，呢幾日立法會變幻莫測，但你可以想像其實689都在想可能係時候撤招，如果唔係佢唔會用加辣就要先議后決，而減辣就先決后議呢個方式來体現減辣的機會大過加辣，而且，如果真係要過的話，只要取回個方案，修改完放番入3月會期就實過，根本無必要冒險，所以骨子裡，我認為辣招要不就會係議會被否決，要不，今年年底前一定會減辣。