操盤實例 -- 冇可能買能篇

-------------------------------------------------------------------------------------------

你好!我好鍾意你既文章,因為我都係一個希望得到財務自由既人!

我希望係上車買樓呢方面比D意見我。

我中7畢業後出黎做野都有一年多,

薪金約14K一個月,到而家大約存左8萬蚊,

離上車真係...差好遠。

自問家人都係有車有樓,但我又唔想拎父母錢,

最近同好多人食飯都有討論過上車既問題,

但基本上所有人都係答3個字"冇可能"話我點樣草錢都唔會買到樓,

因為我點草錢都唔會追到個樓價升!!

我自知買樓唔係易事,但我真係唔想放棄上車,

更唔想一世都搵幾多洗幾多,到死都冇物業係手!!

我希望可以得到你既意見!等我可以搵到自己既方向! Thx

---------------------------------------------------------------------------------------------

有方向係好好，但我諗係你的情況下，坦白的說目前我無乜野可以幫到你，畢竟買樓最基本的10%首期門檻，你都仲未有。

不過，又唔駛咁絕望，而且我又唔覺得係"冇可能"，因為人唔一定係生活係目前，展望將來只要你為自己準備好的話，時機一到你就可以抓緊機會。所以，首先你應該做的，係先養成一個有紀律的儲錢習慣。　衰衰地我假設你能夠每月儲到5K，一年就有60K，三四年后自不然有180K-240K，加上你手頭的8萬，咁就已經有約30萬係手，算係可以踏過左個門檻，買D 250萬左右的樓。

當然，你的朋友們話點追都追唔到樓價升，多多少少都係一個事實。不過，呢個事實亦說明一點，就係水能載周，亦能覆周，如果你知道樓價升得快過人工，咁你追到果一日，就好應該立馬跳上去，利用層樓的速度去拋離人工的速度，你說對不對啊。

而且，如果你認為樓價係會上升，咁我又想問，你人工能否上升先？姑勿論你人工升幅快唔快過樓價，但只要你能養成一個良好的紀律，今年你每月儲5K，出年加人工就儲6K，后年就儲7K，如此這般，到你三幾年后舊錢又會大D，你要追的只係樓價的10%，計數上就算樓價升10%，你都係追多10%入面的10%，即1%的樓價，如果係300萬就追3萬，實際上又唔係咁難的事。

如果一個唔覺意，到你有能力果時，連個天都幫你話要樓市大跌，你準備左幾十萬係手就更加能夠飛身撲入，而相反你的朋友就只能望門輕嘆，到時你大可同佢講一句，咩都有可能，問題只係你有定無準備。