問世間錢為何物?

問世間錢為何物，直教人生死相許?　其實我成日覺得錢呢样野好無聊，如果睇唔通錢的話，好多人"窮"人生的精力，追的指係一個沒有意義的夢。

話說上星期一個財駿飯局，席上的兄弟們都有番咁上下的工作成就。雖然唔可以話全部係CEO級，但係坐埋一張枱六個人，我相信平均入息都比起一般家庭收入中位數多一至兩倍，比上當然不足，但以三張野出頭黎計，算係好唔錯。

當然，大家知道我的身份以買樓財務自由為主，六個人有面有四個都係財務自由的行者，稍稍領先的係我同另一位朋友，而另外兩位都剛參與我的secret project大約一年，所以未算有太大的成績，不過亦叫做係呢個領域展開左第一二步。

席上當然大江南北乜L都講一歺，但重點的係大家對人生同$的諗法。事緣係一位朋友A（之前提及過）因為非常厭倦目前的工作，所以準備放棄一份高薪厚職，而踏出另一個挑戰自己的工作。對我而言，我尊重佢的選擇，亦敬佩佢的勇氣，同時更覺得可惜，因為我感到係佢目前的選擇到最后都係離唔開個$字。

唔係話搵多與少的問題，當然新工作係開始的時候係比原先的工作少了許多，不過佢轉的原因其中一點就係想換個方法去搵"$"。先勿論我唔可以代表佢去答乜野係最好for佢，但我幾可肯定新的工作都唔會係一份做落好"enjoy"的工作，或者可以話最多只係無咁hate的工作，故此，我相信有$其實係可以解決佢的問題。

之但係睇佢個影勢已經係stuck in his gun，我都唔會品評D乜，但講番呢個飯局，其實我都係有小小想將財務自由呢個concept灌輸出去。我地咁多人如果講工作上的共通點，都係唔係話特別中意自己份工，而且我地3個財務自由做得比較好的，都有同一個concept就係呢家計到自己條數，所以我地好L想係保持到現有的工作壓力同收入下，公司唔好再比其他"好處"我地。簡單D講，我地都覺得見到我地的老細，我地會選擇唔升職，唔賺多果一萬幾千但做多幾鳩千萬样野，呢個就係我地的選擇。

唔升職背后的意義，除左因為我地識得計數知道加你果份人工係抵唔番個工作壓力之外，更重要一點係我地都係有幾層樓係手。呢幾層樓供完或者再供多十年八年，其實我地生活都已經無乜壓力，更多的$其實係無助我地去改善生活，相反仲可能會買走一D我地唔想賣出黎的時間精神同腦細胞，而呢一點，其實又正正係所有人面對的問題，亦可能係朋友A的問題，不過我地選擇以買樓收租去解決，但好多人會選擇靠自己轉份工去解決。

其實我成日同人講，好話唔好聽有錢人同窮人死左都係一堆白骨，無乜L野分別。不過，生存的時候有錢人可以控制自己的人生，中意做乜就大致上可以做乜，但係窮人就以出售自己的時間生命去換取$，某程度上都係一件好可悲的事情，無奈文明社會的遊戲規則就係咁，無計。

回想番一個有趣的故事，就係好L多年前我去中環某夜店消遺時，在廁所門口有兩個剛20出頭的男仔，手上一卷可能有兩吋厚的一千蚊，我幾可相信佢地係一邊係度show off的同時，亦係出生於一個有$的家庭。係中環的夜店開張枱狂飲，一晚落黎幾皮野係咁易，但五金十色的背后，究竟有幾多人係含住金鎖匙出世，覺得幾皮野係散銀，而又有幾多人係充闊佬溝女之后要捱面句，人潮散去后無人知。

不過，有D人洗的，只係面果浸，世界上所有的野，都已經沒有什麼價值；而又有D人，可能要做番三幾個月，先追番一晚條數，$的意義，其實亦代表人生。所以如果你只係打工仔，學識財務自由你先可以重新掌控你的人生，如果只係識得年少無知，亂鳩咁fing錢，又或者將錢花係輸係錯的地方，輸的仲會係人生。

有時停一停，諗一諗，如果你突然有十億，你對人生的價值觀會唔會突然唔同晒呢？