核爆

相信好多朋友係職場上都會遇到好多唔同的人同事，而我作為一個打工仔，亦無法避免要面對一Ｄ令人好無奈好煩惱的事。

作為公司的中層的我，實際上亦因為係呢間公司做左８年，大部份人都會自己俾面，唔會搞串個party。而一般會搞事的，主要係就係鬼佬果派，成日做D唔等洗的野，得閒無野做就搞一千幾百個excel出黎比你填下，實際真係做事的永無佢地，呢Ｄ咁無謂的野我點都無諗過竟然係我地自己友搞出黎去引爆我。

由於公司係美國公司，最流行的管理方法永遠都係head count freeze同埋cut cost，而另一邊廂就係咁捽數，呢D野做咁多年都明白。而我的團隊，好衰唔衰，４個人有一個大肚，一個屋企有事，無啦啦有兩三個星期係真空狀態，但本身由於季節性因素，呢兩三個月又係工作量最鳩忙的時候。本身我認為係6個人要做的野，４個人去頂，變左2.5人去做，唔做L死人已經偷笑。

頂左無耐，家中有事果個都叫做番左黎，不過佢始終係新人，要花心神去睇住。台灣果條友仔就古古怪怪，成日唔見左人，其實呢下先難搞，因為你唔跟就算，我自已跟番都OK。問題係調你跟一半，然后又失蹤幾日，突然D客打黎問我update話唔見左個人，成日無啦啦比客突擊唔知點答，跟住又要跟番，如是者重覆又重覆，真係調你老母做鳩死人。

經過一兩個月的煎熬，就算久經戰事的隊長我都開始精神不支，聽到電話響我亦已經驚撚左。有時望住平均一日200個email的outlook，感覺佢好似同你鬥快咁，你send一封出去，佢會入番兩三封入黎，坐係部電腦面前你可以有兩三個鐘清唔晒D email，呢種感覺實在好比人一種打敗的感覺。

因於工作量的倍升，我對我的團隊工作要求好簡單，就係唔好講咁多廢話，有野入黎就做，做完比番個result我。我無時間去討論，亦唔會同你花半日時間開會講廢話，總之一件事入黎就一件事做完，唔好晒鳩大家時間。呢個工作模式，對目前的環境底下仲叫頂得住，我就係成件事的中心點。而我所意識到的，係整個團隊需要更多的人去做呢D一個入一個出的事，所以每每有機會我都會同老細講目前的問題，以及目前的工作量積壓到我已經接近崩潰的邊緣。

老細都係一個好人，嘗試去係可行的情況下幫手，不過可惜的係受著head count freeze的限制，要請人跟本唔可能。唯一能幫手的，係今日無啦啦比左一個program manager我。而個email入黎的時候，係個program manager叫我按佢的format由頭填過晒我所有的野。老實講，睇到呢封email我真係想大叫同喊出黎。

跟呢個客我跟左一年，中間大大小小的野已經多到我超負荷，但你老母個閪你叫我呢家將成年的野打番一次比你再summarize番究竟呢家個progress去到點，你估我真係好L得閒？當然我明白佢有佢的style，但同样呢個party係我的點解無鳩啦啦要我去轉format去玩。最大問題係，你*味你搞L完一輪你可以幫到我乜柒先？除左叫做將我的所有trackers重新執正過之外，對唔L住我唔覺得幫到我乜柒，咁即係無啦啦要我做到隻狗咁然后得啖笑？咪玩鳩我啦。

所以我終於今日將我積壓多時的冤氣爆發，原因唔係我要搞事，係我今日對住部電腦果種心情係我自己都驚，做左8年野我從未試過去到我覺得自己有精神病的傾向，特別係我同我老細講話呢件事唔係幫跟我時，佢果種仲係唔係好想聽的態度，令我實在覺得好L想死。

如果唔係我要呢份工去支持我的財務自由大計，我相信今日我真係會第一次認真考慮辭職。係現世代我發現越上心越做野越緊張越肯幫公司手果D就只會越做死你自己。呢個亦係我覺得點解需要財務自由的其中一個原因，因為番工真係只能比人被動的搞鳩你。真正可以主宰自己命運的，就只有你自己。