超級通漲(3) - 經濟規律

其實本身通漲係無好壞之分，但係一個穩定經濟的社會入面，人人都會因為輕微的通漲而感到快樂。


舉個例，打工仔人人都希望加薪，只要有通漲的時候，加2-3%比你，其實都會令到自己感覺賺多左少少，起碼覺得自己有進步，呢個錯覺係其實社會大眾所能接受。反之，如果每年扣你幾舊水，哪怕係通縮，人的心理都係唔鋸，呢D野可能要心理學家去解詳加說明。


好啦，問題又黎啦，咁你又加人工，佢又加人工，我又加人工，人人都加，咁邊個比錢先？你可能好快會話，咪公司囉屌。係，當然係公司比啦，咁公司其實都係一個法人，佢都想賺多D ga ma，咁當成個社會人人都想賺多D的時候，咁點算？


根據Games Theory（博奕輪)，以及鋼之練金術師的theory，我地好容易明白呢個世界有條定律叫等價交換。等價交換的意思就係你要一D野，就要付出一D野，又好似霍金的物理學咁，物質係唔會消失的，只會由一样野經過一D事情又變左另一样野。簡單D講，就好似打麻雀咁，四個人坐低，打完就一定有人Win，一定有人lose，呢個叫做乜撚野呢?　就係零和遊戲(Zero Sum)。你無可能見到四條友打完然後四條友都Win錢的，如果係的話，就只有一個可能性，就係計錯數。


咁知道零和遊戲又點先？知道左之後就可以去明白呢個世界的經濟係點run ga la。你諗下呢個世界，咁多banks，咁多企業，咁多人，全部都係要搵錢的。但如果你話比佢聽，其實呢個係零和遊戲，有D企業本身就係要輸錢去另人地賺錢，會唔會好鬼馬？當然，有D企業係經營不善，有D人亦賭債成性，不幸地成為左付出的一群，但從邏輯上黎講，成個社會係唔會有人想輸錢，但係基於零和遊戲下，我地一定要有人輸錢，先會可以滿足呢個世界的人。


故此，其實政府就充當中呢個角色。美國佬以借出國債制造金錢，再將金錢每年都投入去個經濟体系，呢個其實就係我地個世界的運行模式。當然D錢係會有流動性，你流下入我，我流下入佢度，佢又流入美國政府度，美國政府又流番出黎，但係當我地流得唔夠快，或有人開始save錢的時候，而save左的錢銀行又借唔到出去的話，就會減少左個effect，慢慢社會就會少左流動性，呢個情況就會係變成經濟唔好，又或係衰退，所以政府又有動機要借下錢再注入出黎個社會，呢個模式亦已經運行好撚多年。


問題就係黎到2008年，美國的一個爆煲令到呢招要加大力度去提供更多錢去刺激經濟，其實呢個唔係咩新鮮事，之前亦有提及美國已經玩印money好撚多年，但問題係QE1 / 2 / 3　究竟規摸有幾大，有咩後果，如果我地可以研究一下，或許可以幫我地去作出適當的投資部署，係樓市中或者能夠如魚得水呢? (待續)


請去like我的facebook: http://www.facebook.com/pages/80后求生隊長/344567395626431