點解我要寫呢個BLOG

人生在世，究竟我地咁撚辛苦為乜？


我係香港長大的一個80后，畢業於一間港島Band 2的學校，大學就香港無人收，局鳩住我去左美國讀左四年野雞大學。做野初時都嫌鳩呢样果样，但因為唔怕蝕底去左大陸長駐兩年，回來後升至公司的中層，經常有機會到世界各地公幹，種種的体會，令我意識到呢個世界有好多人係生活緊係不一樣的世界，而香港這一套文化，只會令你唔撚停的做幾廿年野退休。簡單來講，呢個文化真係搵緊我地苯柒。


所以，我決意要令我自己可以逃離呢種生活，因為我從來都唔係一個偉大的人，世界和平唔係靠我一個人去創造。我，只係想輕輕鬆鬆過呢個人生，唔係要鳩鳩屎屎咁比人番工屌柒提心屌膽咁過幾廿年。故此，我要學識點样係呢個世界用最短的時間賺最多的錢，逹致財務自由，到時，我便會去過我理想的生活。


睇番我身邊的朋友，真係咩人都有。


我的朋友，有人走得比較快，有人當然走得比較慢。究竟係乜野令我地拉開個成就的距離呢？是學歷／收入／性格／際遇？從中五畢業就出黎做野，到讀到博士學位的都有，大家行過唔同的路，做過唔同的選擇。到30歲出頭來個結算，漸漸發現有D人注定一世都係咁撚样，有Ｄ人就會自然行得比較快，當中的確有唔少野值得借鏡。


30而立，我有Ｄ朋友都仲係捱騾仔，打份死人工炒下股票，買樓好像無望，過著如喪屍一样的生活。相反，亦有一些人已經上車，那怕是在新界遠一點，但已有自己的天地，有自己的一個家，番工當然仲係有壓力，但係大致上都擺好個陣，前面條路點行已經睇得好清楚。而比較突出的一群，有人已經有幾層樓楂手，或是兩個的士牌，食住過去幾年資產大升的優勢，而家已經望到退休的彼岸，生活已經無乜大壓力。


到呢一步，可能你會話咪又係叫我買樓，點買啊，咁貴。


錯，買樓只係一個Action plan，如果你係一個Leader，你應該都識分咩叫Strategy，咩叫Plan。簡單Ｄ講Strategy就係大方向，而PLan就係唔同的Actions去組成一個strategy。公司的Strategy可能係話去開發大陸市場，而叫你做個PLan可能係Target某一個Segment，而邊撚個決定個Strategy？咪就係你老細。而人生的Strategy係邊個決定？就係你自己，而亦因為唔係人人都係一個好的Leader的關係，所以有好多人對營運自己人生都係處處撞板，到最後就如好多公司一样，執笠收皮，或者打死一世工，　生唔生，死唔死。


所以，決定你自己未來的主要因素，並唔係買樓，而係你的Mindset (或者性格）。你個人係點撚样，你條命就係點撚样，無得救。好彩的有條女幫你鋪排好，你都錯有錯著會行番正路。但係如果你本身係硬膠又而為自己好撚醒的，SORRY，最終你係自已害鳩你自己。


我相信有好多人睇到呢度，都會話係啦，我身邊D FD都係ON鳩GA。我唔識你，所以我唔知你有幾醒。但係，我想講，百份之99的人都係屬於on9的一族，有Ｄ人係被迫On9 (我)，而有Ｄ人係自已On9緊仲以為係人地，而呢Ｄ人，好大機會係你。所以咪撚以為自己好撚勁，當你睇到我睇到的野的時候，你先係超越ON9的第一浸，而要戰勝on9，我都努力緊，並可能要花上十年時間方可。