買新樓定二手？

好多人會同你講，買新樓好大溢價，唔抵買，所以買樓自住都係買二手樓會好D。


呢個論點的確有佢的道理，香港的新樓一般都會開高最少10％開盤，而且已經算低。更高的開高30-40%一样有人接貨。咁耐以黎我只係見到一間野撻Q賣樓，就係＂乳太慶＂係太子的一幢樓。


綜合黎講，港鳥樓開新盤已經去到14000-無限咁撚大一呎，的確我住港島黎計，從無諗過買港島的新樓，因為真係超出我的負擔。一海之隔的九龍，睇地段而開，但一般呢家都要7500-12000左右,稍微低港島20%，亦大約=港島二手樓的價錢。再行遠D去到新界，而家元朗，馬鞍山，將軍澳都開緊6000-8500，比起其他二手樓都會高20-30%，亦大約＝九龍二手樓的價錢。


所以其實某程度上你可以見到有條樓價鏈形成左 —> 港島新樓 —> 港鳥二手樓 —> 九龍新樓 —>　九龍二手樓 —> 新界新樓 —> 新界二手樓。


好啦，咁當然買新樓同二手樓都係好睇個人，但我自己黎講就傾向買新樓，最主要的原因並唔係因為佢抵，而係我自己的時間比起買二手樓值錢。點解咁講？因為如果買層二手樓番黎租比人，重新裝修的話，又要晒我時間精神去跟踪，更慘的係，一間租比人之後呢样壞果样壞，又打黎同我傾點搞作。老實講，我又唔撚係全職做物業管理，有時都要係比錢搞掂的事，真係唔想煩，由其是我係多層物業的持有人，好話唔好聽要中下D塞廁所壞冷氣壞呢样果样的機會，好易中。


買新樓的好處係呢家好多新屋苑的管理服務都好好，有咩頭暈新慶搵管理處就得。每個月比多少少錢，都係值ge。呢D諗法，唔係人人認同，因為有人自己做工程，有人打黎自己上門整，而又有D人係全職C9，大把時間處理呢D事。而我，真係一個打工仔，要番工，要出trip，我時間=金錢。


買新樓的回報可能偏低，但自住的質素其實又調番高。但係咪買二手樓又慳好多呢？呢样野唔一定。比如我見有朋友500萬買層樓番黎，花80萬去裝修到自已滿意，其實佢成本都580萬。如果你認為一手樓交吉標準都夠住，可能同區買個一手樓都係600左右，有時計數又唔係差好遠。


不過呢D野咸魚青菜各有所愛。我中意住新樓，你中意住二手，無話岩定錯。做生意就要賺到盡，maximize個return，自住的野就按你自己要求，maximize你個quality，最緊要只係一個舒服的家。


注：二手樓可以當尋寶，你買到間屋番黎裝修Ok的，即時租比租客，呢條數一定回報高，呢样野我都有做。