住邊好？

對於一個住過唔同地方的我，有時諗深一層真係唔明點解香港人咁中意屈埋一堆咁住，又貴又唔抵（利申：不過我都係住大型屋苑）


但係我講我的理想居所的時候，首先真係要做個比較。


還記得係美國的時候，我住過HOUSE同Apartment，由於大家可想像美國地方好大，所以我地必需楂車，而楂車番學的時間一般係十分鐘左右。楂車去超級市場就十五分鐘左右，而有時侯去搵下朋友遠一點的大約半個鐘左右。對於住開美國的我們，半個小時楂車的情況，很常見。


住在香港沒有車的人，一般番工由出門口到你行入公司門口，可能都要30分鐘至一個鐘。我想作出的比較係，住得近又代唔代表花的時間一定比住得遠的人少呢？當中有人可能只係柴灣出中環，或沙田出觀塘，但花在等車，等LIFT，行上行落，轉車的時間，其實真係唔少。所以，除非你是真的住在你公司隔黎，否則，好多人就算係港島東番港島中，九龍西番九龍東，其實都快唔得去邊。


由此引伸，我就會諗其實如果時間差唔多，但樓價因為去遠Ｄ而平好多的話，點解唔可以考慮下呢？


對於一個由港島搬入元朗的我，其實都明白港島人點睇住元朗天水圍屯門。但搬入黎之後，其實整個生活質素都真係大幅提升左，而相對樓價起碼平左30-40%　（相對港島），對於一些80后的人，我真心希望你地放低內心果種對大西北的偏見，因為難聽點講句，如果貴你又買唔起，平你又睇唔起，你真係只會永遠原地踏步的。


在元朗的我經過左一年多的時間，慢慢感受到呢一區的人情味，而社區亦係度變化同進步緊，我深信這區由一個幾好的將來。讀到呢度，可能有人會話我係唱好出貨，不過我想講我沒有出貨的打算，只係我真心覺得呢一區比到我一些久違了的鄉土風情。係呢度識的朋友，佢地的思想都有Ｄ唔同，我感覺到佢地果種簡單，率直，有點像回到小時候住公屋時的朋友仔的那樣。


所以，近期的我更走前一步，向村屋／套丁／農地進發，目標係如果你覺得住山頂獨立屋好正的話，其實你在新界區，可能會係幾百萬左右就做到自己的獨立圍牆的世界。下面係我一張近期見過的一間屋，唔係好貴…..438萬……試想想你住係呢間屋，同你用438萬係市區買個500呎兩房……邊样野真係值D呢?