不一樣的生活

係美國，我曾經見到有人坐著馬車，選擇唔用現代的設備，無電無車的生活。
係北歐，連綿無盡的山脈，有人選擇以務農為生，有人選擇做木匠，過著寧靜安逸的生活。
係香港，我結識了在元朗錦田的朋友，隨便打份工，住在自己獨立圍牆下，有花園有狗有車，賺萬零兩萬蚊，無供樓的負擔，套過丁起屋仲可以執幾百萬，毫無壓力，開開心心的生活著。


但係，大部份的香港人，都係比一套思想同價值觀拑制住。總之要讀好書，搵好工，賺多Ｄ錢，買層樓，結婚生BB，然後再摶命Ｄ，再買間自己供到仆街的樓黎話改善生活，然後日日提心吊膽的番工，供到退休如是者就一世。生命無Take 2啊大佬…..點解我地的生活模式一定要咁样？大佬啊….一世人黎GA喎，咁撚兒戲人地點行你就點行？


而最撚好笑係呢套價值觀去到塗毒到下一代要上街投訢話佢地跟唔切個遊戲點玩，仲要話政府乜柒乜柒。其實遊戲的玩法一早講撚左比你聽點玩，你係要揀去玩的就好好去玩，唔好輸打嬴要。不過，我要帶出的係，點解一定要跟呢套遊戲，又或者當你勝出呢個大富翁的遊戲的時候，你會唔會選擇另一種的生活模式呢？


有時呢個社會去Frame我地的思想實在太恐怖，狹窄旳價值觀亦係令好多人錯失向上流的機會。如我身邊的朋友，有很多住開港島的，過左維多利亞港已經覺得很遠。而如果去到沙田／大圍／荃灣，甚至元朗，屯門，粉嶺，上水等等，呢Ｄ地方唔撚係人住的，因為太遠，太唔方便。


而由於呢種選擇性發雞盲的心態，好多港島人其實都錯失了解其他區的發展，因而錯失左好撚多投資機會。而最直接的影響，莫過於在同一起步線上，新界的人就比起港島區的人容易上車得多，亦間接令好多我身邊高貴的爱朋友係呢幾年的成就遠遠落後於他人。


其實只要你願意將自己的價值觀放低，觀察及接受一下其他人的生活模式，呢個世界仲係好多路你行。但如果你選擇的只係將視線放係你熟悉的果幾條街，而閣下又唔係比其他人有更好的條件，只談買樓，你可能需要更多的勇氣，或者，你可能一世都原地踏步。