財技(2) - 借錢應用篇

本來我諗住隔多陣先寫埋下半Part，之但係今日因為係confirm我張新credit card時（比中銀tum我申請mortgage果時申請埋)，所以我覺得好值得係我想講的財技下篇中間加多一篇野。


上文講到一般坊間的Loans有下面呢幾样野，而我本身都提及買樓我係買cashflow多於買樓價升幅(當然希望佢升啦，但買樓收租的話，租金回報都好緊要），故此，係你Hold幾層樓的時候，人工，租金，供款，都會慢慢變成一絛cashflow。


- P-loan: 通常銀行叫你借唔知幾撚多倍月薪然後逐個月還比佢的。
- OD (overdraft):有Ｄ銀行稱之謂備用現金，通常又係以幾撚多倍月薪定個額，用左先計息。
- Credit Card: 呢個唔撚駛講，大家應該知係乜。


好啦，如果你有睇到投資基本概念入門篇的朋友，你應該知道我地買樓好，或者資金本身都係有成本的。亦即係話，如果我唔理租金收入的現金流果邊，只針對我的借錢，只要我能夠壓低我的成本，咁我的回報，都會上升。


綜合上面幾種唔同形式的Loans，都可以歸納為無抵押借貸。一般無抵抽借貸都比起有抵抽借貸的利息為高，我相信都唔撚駛我解釋，大家都知有抵押，銀行有層樓係手，風險低D，所以借錢比你都可以平D。而P-loan黎講，利息由最撚好的專業人仕大約2.5%去到十鳩幾二十%都有（財仔），息口都好睇你的credit rating。OD一般可能稍稍高P-loan小小，又係睇你的credit rating。而Credit Card就當然一個月grace period，之後個APR20-40%去計，好撚襟計。我相信，如果有借開錢或做銀行的對呢D數字都好撚熟悉。


去到我呢度，我諗有D人都睇到恰眼訓，話我好人好姐搞乜撚野借P-loan姐，我咩都唔多，最撚多就係錢！OK，如果你係咁撚有米的就唔駛聽我廢UP，之但係如果一個財技的能手，腦裡面見到呢Ｄ數字應該就開始會轉，點解？因為如果你有錢的需要，應用唔同的產品就可以慳錢賺錢。


換個概念講講，好多呢家Ｄ妹妹仔用credit card洗大左，搞唔撚掂條債差Ｄ要賣屎忽去填數，之後Ｄ人叫佢地去債務重組，其實就係做緊我講的野。假設阿妹妹Card數100,000，每月局還唔知幾撚多錢min pay都好，總之年息當你30%，即你一年要還30,000息，即每個月要還多2500，好多妹妹搵萬零蚊，真係供幾年都未供甩呢十皮本。而D大眾啊，兄弟財務果D打黎叫你去清卡數，其實只係叫你借條p-loan，可能都係十皮，但利息當係5%，一年都係還5000息，兩件事都係爭人100,000，但應用唔同的債務工具就慳左25,000息，真係可能可以因為轉一轉而唔駛賣屎忽。


好啦，咁你可能都仲係會話我又唔係阿妹妹，邊撚度會有咁多卡數。而又或者你好撚聽明，睇我買i-home果時，已經知道我有咩招。Anyway，我賣個關子點样係運用呢D債務工具黎買樓。


但係呢個post最後的介紹就係，我今日發現中銀信用卡竟然有promotion，借錢無需利息，只需比手續費0.2%一個月，咁即係大約年息係2.4%左右，以無抵押的貸款黎講，算係好撚抵。如果有D朋友你係做緊高息P-loan，中間就可以套息，都係一個選擇。


注：請去like我的facebook專頁:


http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431