可悲蟲


呢個世界有好多唔同的可悲蟲,而其中有一款隊長我覺得最可悲的,就是那種全程投入工作下,上左位的一些所謂高層甚至老細。當然聽起上黎咁样唔算太可憐,因為全程投入工作聽落都似係岩啊,但問題係當呢D老細做左老細後,就會認為佢番工就等於你番工,佢OT就等於你OT,佢放假做野就即係你放假做野,然後又無時無刻諗D新野無止境咁追蹤你,跟住呢D人,除左你辛苦,其實背後呢條友都係好可憐。


是的,隊長公司就有一個咁样的大老闆(比起之前的那老闆再大),而隊長相信套你公司,你都會諗到一個類似一样的人,即佢諗住出份糧比你就基本係大撚晒,要屌你又好,要你OT又好,要你跟足佢方法做D On9野又好,總之係令你打份工之上設立無上限的工作量同限制。而最慘的係,佢又未係個苯苯的老闆,佢又唔知點解真係可以成日到某d check point或某d鬼鼠位就會蒲出黎搞九你。


隊長公司的大老闆,真心講,隊長認為佢堅勁,轉數快,有腦,懂產品得黎又有數口底,基本上係總部睇落黎,呢個人又真係完美地去管理。而對於總部黎講,更完美的係佢真係又唔駛訓,又唔會有任何家庭問題,佢一年只會番屋企見家人一兩次,而其餘時間都係大陸周圍走,而由於佢真係無乜活動的關係,佢連週六日都會番公司,感覺公司的員工就像家人一样,所以呢種人訓醒又係公司,訓教又係公司,生又係公司死都可能係公司。


呢位大老闆除左佢唔需要理似有還無的家庭外,當然性格上能做到一人之下萬人之上亦不會是省油的燈。成日笑笑口的佢其實就係一頭笑面虎,對住你笑笑笑其實內心部電腦已經一路run緊點盤算著你,而如果你成為佢要搞的目標對象,咁你就唔好彩了,因為佢真係好得閒可以成日去搞你,而且佢個人又係固執地要做自己想做的野,呢個似乎都係一D高層的通病。


然而講左咁耐,其實最可悲的是究竟一個人應該有的人生係點,我估佢無。可能佢屋企家庭唔完美,但公司卻能呼風喚雨,所以搞唔掂屋企就番黎搞公司的員工。而員工嘛,基本上係佢眼中都唔駛理你有無私生活,日又煩你夜又煩你放假都會煩你,有D咁的人其實係現實的世界是很有競爭力,但在於人類社會的社交同生活黎講,佢就係一個強大的破壞者,無論係佢實際煩你,定係佢比到心理的壓力你,佢24小時都可能做緊野的情況下,你做15/16個小時都無用,始終會係慢過佢,比佢lead住,然后就被受佢的折磨。


呢個社會好多呢種人,唔知點解唔理屋企無朋友,中意一注獨嬴工作,迫所有人同佢一齊賣生活比公司做好業積,為股東利潤化貢獻,而其實佢已經行左落一條不歸路,一個上左位的人係唔會自我檢討,所以當如果有一的人都頂唔順時,佢就明白到有時出份糧真係唔係大撚晒,今時今日人多無左邊個都無乜問題時你緊係離地,到你真係影響到全部人時,也許就會明白真係人求你時你都求人,無晒員工真係你叻極都無用。


其實隊長真係好怕呢D無生活而所有人一齊賣命的人,而如果要重撑握自己人生,財務自由時最基本的層次。





留言

  1. 而香港都有相當一部份的人係咁的MINDSET, 最最最L可悲係到佢地妻離子散又或者周身病痛要人照顧先猛然發覺自己應該努的耕耘的田 - 家庭, 竟係顆粒無收, 而到時因為身體強健不再而公司炒埋佢....真係SO 9 SAD
    大部份香港人的寫照, 特別係會計師 XD

    回覆刪除

發佈留言

此網誌的熱門文章

被退休的CEO

DSE題三: 專精一事還是多元人生

大圍車位的潛力